QADYANIYAT---- HAQEEQAT KE AINE ME : (PART-1)

 

Bismillahirrahmanirraheem

 

 

QADYANIYAT---- HAQEEQAT KE AINE ME : (PART-1)

 

 

Qadyaniyat (ahmadiyyat) un baatil mazhab mese hai jinki Paidaish hi is Khaatir ki gayi hai ke Muslim quwwaton ko Nuksaan pahunchaaya jaaye,

Islam ki bunyaadon ko dha diya jaaye aur usme daraar paida kiye jaayen, aur uske nazariyaat aur afkaar ko khokhla kiya jaye......

Lekin is soorat me ke kisi ko ilm tak na ho, kyonke tajurbaat aur taareekh ne ye saabit kar diya hai ke jab bhi kisi jamaat ya kisi mukhaalif giroh ne islaam ko lalkaar kar maidaan me Muqaabla karne ki jurraat ki toh wah is azeem Quwwat ko zarrah baraabar bhi na nuqsaan pahuncha saka...

Balke uske muqaable me Islaam zyaada aab wa taab se chamka aur ujaagar hua, aur uske naam lewa aur zyaada walwale ke saath us shaaydaayi aur fidaayi ban gaye...

Yahood wa nasaara aur Makka ke mushrikon ne aidi choti ka zor lagaaya, ke wah islam ki manzilat, martabe aur Shaan ko kam kar den, lekin unko sirf shikast ka hi saamna karna pada aur Na'qaamion ke dhabbon ke unhen kuch haasil na hua,

maidaan e jung me agar saleebion (crusaders) ne is mazboot chattaan se takraane ki koshish ki toh poori quwwat wa taaqat ke ba'wajood apne hi sar ko zakhmi hone se na bacha sake,

Jis tarah ke kuffar e makka aur yahood islam ke ibtedaayi ayyaam me apne sar todh chuke they....

Chunanche jazeerah e arab ke mushrikon , misr wa shaam (egypt and syria), aur room wa yunaan (rome and Greece) ke isaaiyon aur banu quraizah aur khaibar ke yahoodion ne iska khoob tajurbah kiya, aur phir isko apne waqt me Hinduon, budh mat ke pairokaaron aur aatish paraston aur sikhon ne bhi duhraa kar dekha,

Aur sabne dekh liya ke ye wah chattaan hai jise na sirf ye ke paas paas karna na'mumkin hai, balke ise Balke islaam ko chhedna bhi sher ke munh me haath daalna hai....

In kadhwe tajurbaat se Ye sabaq haasil kar liya ke Islaam se aamne saamne ki takkar lena apni maut ko daawat dena hai,,,,

isliye unhone taiy kiya ke Aage se kabhi bhi islaam aur musalmaano ko khule maidaan me daawat e jung na di jaye balke hamesha use androoni chaalon se Zakhm dene ki koshish ki jaaye, Dhoke aur munaafiqat ki Technique ko apnaaya jaaye,

Islaam ke naam lewaaon me se islaam hi ke naam par islaam ki Be'kakhni karne waale taiyyar kiye jaayen, aur is tarah Islaam ke afkaar wa nazariyaat ko kharaab kiya jaaye, aur uski haqeeqi taaleem ko mitaaya jaaye aur bil'aakhir uske wajood ko khatm kar diya jaaye...

Isi plan ke tahat Qadyaaniyat ka wajood amal me laaya gaya,

Chunanche pahle ye ek islaami Firqah ki haisiyat se logon ke saamne namudaar hui, aur badi chaalaaki aur hoshiyari se apne zehereele Afkaar wa khayaalaat ka musalmano me par'chaar karne lagi ke aam logon ko iski asliyat ka ilm na ho saka,

Phir dheere Dheere aur ba'qaayeda tarteeb ke saath kuch androoni khaana baaton ko saamne laaya gaya aur jab dekha ke chand " Be'waqoof" aur kuch " Ahmaq" Acchi tarah jaal me phans gaye hain aur ab unke liye Faraar ka koi chaara nahin raha toh achaanak apne asli Chehre ke saath zaahir ho gaye,

Bahut se log jo is tahreek ke saath na'waafiqiyat ki bina par wabastagi akhtiyaar kiye hue they aur jinke seene me Imaan ki koi kiran baaqi thi, Is tahreek ko ek naye mazhab me dhalte dekhkar Apni nadaani par pareshaani ka izhaar karke chhod gaye aur bahut se " Jahil " aur " fareb'khudah" Deen e islam aur Muhammad arbi sallallaho alaihi wasallam se rishta todh kar Qaadyaniyat aur Hindi nabi se Rishta jodh baithey.....

Yahin se Qadyaaniyon ne apne wali e nemat Angrez ke ishaare par un tamam maraahil ko apni tableegh aur propagande ki buniyaad bana liya. Ke pahle pahal toh Mirza ghulam ahmad ko mujaddid kahen, Phir Maseeh Aur rasoollullah aur aakhir me tamam Ambiya se afzal wa bartar Nabi, taake Aam logon ko fareb ka shikaar banaya ja sake aur Islam ke haqaiq ko badnaam aur matia met kiya ja sake,

Isliye zaroorat thi ke unke asal aqaid logon ke saamne rakhe jaayen..

Taake un par unki haqeeqat khul jaaye,

chunanche Ham unke haqeeqi aqaid ko unhi ki kitaabon aur unhi ki ibaarat me pesh kar rahen hain,

isse musalmano ko aur baaz na'waaqif Qadyaanion ko Mirzaiyyat ki asal soorat nazar aa sakegi aur unhe ilm ho sakega ke ye log kis qadr chalaaaq, munaafiq, hain aur kis tarah ye be'daregh jhoot bolkar apne aapko Musalman zaahir karne ki koshish karte hain......

To be continued......

QADYANIYAT---- HAQEEQAT KE AINE ME : (PART-2)

Bismillahirrahmirraheem




ALLAH KI ZAAT KE MUTAALLIQ QADYAANI AQAID !



Qadyaanion ke aqaid ye hain

Allah taala roza rakhta hai, Aur namaz padhta hai, Sota hai aur jaagta hai, Likhta hai aur dastakhat (signature) karta hai,

Yaad rakhta hai aur Bhool jaata hai, Mujammat (sex) karta hai aur Bacche bhi paida karta hai,

uska tajziyah ho sakta hai, use Tashbiyah di ja sakti hai

(auzubillah)



Chunanche Qadyaani Hindi nabi Mirza ghulam ahmad qadyani kahta hai

" mujhse allah ne kaha ke main Namaz bhi padhta hoon aur roze bhi rakhta hoon, jaagta bhi hoon aur sota bhi hoon"

(al bushra jild 12 page 97)



ye hai Qadyaani aqeedah aur Qadyani hindi Nabi ki Wahiy wa ilhaam,

maqar wah kalaam haq jise Allah ne nabi e akram sallalahi alaihi wasallam par ba'zariye Rasool naazil kiya wah yun hai


" Allah wah hai jiske elaawa koi maboot barhaq nahin wah hayyu wa qayyum hai, jo na oonghta hai aur na sota hai, Aasmaan aur zameen jiske qudrat me hain, jiske saamne uski ijaazat ke be'ghair kisi ko shifaarish karne ka akhtiyaar haasil nahin, jiska ilm hat cheez par muheet hai aur jiske ilm ka koi dusra ahaata nahin kar sakta"

(surah baqarah)


Aur nabi e akram sallalaho alaihi wasallam farmate hain


" Na khuda sota hai aur na hi sona uske liye rawa hai"


(muslim, ibn maja daarimi,)


Isi tarah allah taala farmate hain


" Main har cheez ka ilm rakhta hoon aur mujhse koi cheez makhfi nahin"


(surah tahreem 12)



Aur farishton ki zabaani kaha



"Ham tere rabb ke ilm ke be'ghair aasmaano se nahin utarte ke uske liye hai jo hamare aage peeche aur uske darmiyaan hai aur tera rabb bhoolne wala nahin"



(surah maryam 64)


aur ba'zabaan hz moosa (as) farmaya



" na bahaqta hai mera rabb aur na bhoolta hai"



(surah taha 52)



QADYAANION KE NAZDEEK ALLAH GHALTI BHI KARTA HAI.




Lekin Qadyaani iske khilaaf ye aqeeda bhi Rakhte hain ke

allah ghalti bhi karta hai aur sawaab ko bhi pahunchta hai aur ye bad yahi baat hai ke Ghalti jahal aur insaan ke nateeje me hoti hai

aur iske maana ye hue ke



" allah baari taala Jaahil aur mubtela e Insaan hai" (maaz'allah)



chunanche qadyaani hindi nabi ke apne alfaaz hain

"Khuda ne kaha hai ke main rasool ki baat qubool karta hoon, Ghalti karta hoon aur sawaab ko pahunchta hoon. Main rasool ka ahaata kiye hue hoon"

(al bushra jild 2 page 97)

nez farmate hain

" Ek dafa maine kashf ki haalat me khuda ke saamne bahut se kaagzaat (documents) rakhe taake wah unki tasdeek (verification) kar de aur unpar apne dastakhat (signature) jaari kar de, matloob ye tha ke sab baatein jinke hone ke liye maine iraada kiya hai, ho jaayen...

So khuda taala ne surkhi ki siyaahi se dastakhat kar diye aur kalam ki nok par jo surkhi ziyaadah thi usko jhaada aur ma'an jhaadhne ke us surkhi ki katre Mere kapdon aur abdullah ( Mirza qadyaani ka ek mureed) ke kapdon par pade aur jab haalat e kashf khatm hui toh mainr apne aur Abdullah ke kapdon ko surkhi ke katron se tar'batar dekha aur koi cheez aisi hamare paas maujood na thi jisse us surkhi ke girne ka koi ehtemam hota,

aur wah wahi surkhi thi jo khuda taala ne apne kalam se Jhaadi thi, ab tak baaz kapde Miyan abdullah ke paas maujood hain jinpar wah bahut si surkhi padi thi"

(Taryaq ul quloob page 33, haqeeqatul wahiy page 255, mirza qadyani)

ek jagah allah ke baare me likhta hai

" ham yaqeeni taur par farz kar sakte hain ke Qayyum ul aalaameen ek aisa wajood e azam hai jiske Be'shumaar haath, be'shumar pair, aur har ek aazu is kasrat se hain ke tadaad se khaarij aur la'inteha Arz wa tool rakhta hai, Tendue (cheete) ki tarah us wajood azam ki taaren bhi hai, jo safah hasti ke tamaam kinaaron tak phail rahin hai aur kashish ka naam de rahin Hai "

(tauzeeh ul maraam page 75)

Aur is tarah allah taala ke is qaul ki takzeeb ki jaati hai

" nahin hai us tarah ka koi aur wahi hai sunne waala hai dekhne waala"

QADYAANI MAZHAB EK GANDA AUR GUSTAAKH MAZHAB HAI

Bismillahirrahmanirraheem



 

QADYAANI MAZHAB EK GANDA AUR GUSTAAKH MAZHAB HAI :




EK INTEHAAYI GHALAT AQEEDA:



Aur isse bhi badhkar qadyani, kitabullah, sunnat e rasool aur tamam islaami adyaan ke bilkul khilaaf ye aqeedah bhi rakhte hain ke


" Allah mubaasirat wa mujammat (sex) bhi karta hai, aur wah aulaad bhi paida karta hai"


aur isse bhi ajeeb tar ye ke

" khuda ne unhi ke nabi Mirzaayi ghulaam se mubaasirat wa mujammat (sex) ki aur phir nateejatan usse mirza ghulam ahmad qadyani paida hue"

yani

1- Mirza qadyaani se jama (sex) kiya gaya

2- Aur wahi haamila (pregnent) thahre

3- aur phir khud hi haamila ke nateeje me paida hue


Ab zara qadyaanion hi ki zabaan se suniye

Qazi yaar muhammad Qadyani likhte hain


" hz maseeh mau'ood (mirza) ne ek mauqa par apni haalat ye zaahir farmaayi ke kashf ki haalat aap par is tarah taari hui ke goya aap Aurat hain aur allah ne Rajooliyat ki Quwwat ka  Izhaar farmaya "

( islami qurbani page 43, musannaf qazi yaar muhammad qadyani)


Aur khud mirza e qadyaan kahta hai


" Maryam ki tarah Isa ki rooh mujhme nafakh ki gayi aur iste'aarah ke rang me mujhe haamila thahraaya gaya, aur aakhir kai maheene ke baad 10 maheene se ziyaadah unhen ba'zariyeh is ilhaam ke mujhe maryam se isa bana diya gaya, pas is taur se main Ibn maryam thahra"


(kashti nooh page 47, musannaf mirza ghulam qadyani)


aur phir


" allah taala ne Quraan shareef me mera naam hi wah maryam rakha jo Isa ke saath haamila hui aur main hi is farmaan baari ka misdaaq hoon

wa maryama abnata imraanal'lati ahsanat farjaha fana'fakhna feehi minar roohina

mere elaawah kisi aur ne is baat ka daawa nahin kiya "


( haashiya haqeeqatul wahi page 337, musannaf ghulam ahmad qadyani)


Aur isi bina par qadyani ye aqeedah rakhte hain ke


" Ghulam ahmad khuda ke bete hain, balke ain khuda hi hain "


Chunanche mutanabbi qadyaan kahte hain ke mujhe khuda ne kaha

" tu hamare paani se hai aur wah log buzdili se"

(anjaam aatham page 55)

aur allah ne mujhe ye  kah kar mukhaatib kiya hai

"sun aiy mere bete "

(al bushra jild 1 page 49)

aur farmaya

"aiy sooraj aiy chaand ! Tu mujhse hai aur main tujhse "
(haqeeqatul wahi page 73)


aur khuda ne faramaya ke


" main teri hifaazat karunga, khuda tere andar utar aaya, tu mujhme aur tamam makhlooqaat me waseela hai"

(kitab al bariyah page 75)


Aur ek maqaam par toh yahan tak kah deta hai


" maine khwaab me dekha ke main Khuda hoon, Maine yaqeen kar liya ke main wahi hoon"

(aina kamaalaat islam page 564, musannaf mirza qadyani)


aur


"tu mujhse aisa hi hai jaisa ke main hi zaahir hi gaya, yani tera zahoor dar'asal mera zahoor ho gaya"

(wahi muqaddas page 545)


ye hain Allah taala ke baare me Qadyaani aqaid...


Jabke Allah taala ne Muqaddas Quraan me nabi e akram ko mukhaatib karke kaha ke


" tu kah de ke Allah ek hai, allah be'niyaaz hai, na usne kisi ko jana (paida kiya) aur na use kisi ne jana aur jiske jod ka koi nahin"

( surah ikhlaas)


aur farmaya


" Wah log kaafir hue jinhone Maseeh ibn maryam ko Khuda kaha "

(surah maida 178)


aur farmaya


" Aiy kitab waalon ! Apne deen me mubaalagha na karo aur allah ke baare me sacchi baat ke elaawah aur kuch mat kaho, Nahin hain maseeh ibn maryam magar allah ke rasool aur uske Kalaam, jisko maryam ki taraf daala  aur rooh usme  daali, So allah ko maano aur uske rasoolon ko aur ye na kaho ke Khuda 3 hain, is baat ko kahne se ruk jaao, isme tumhari bahtari hai, Khuda sirf ek hi hai, isko laayeq nahin ke uski Awlaad ho, Zameeno aur aasmaano me jo kuch hai, usi ka hai aur kaafi hai, allah kaarsaaz hai"


(surah nisa 171)


aur irshaad farmaya


" Yahoodion ne kaha ke Uzair allah ka  Beta hai, aur nasaara ne kaha ke Maseeh allah ka beta hai, ye unke apne munh ki baatein hain (haqeeqat se jinka koi taalluq nahin), jaise pahle kaafiron ki resh me kah rahen hain, khuda ki maar ho inpar , ye kahan bhatakte fir rahe hain"


(surah tauba 20)


ALLAH TAALA QADYAANION KO SAMJHNE KI TAUFEEQ DE....... AMEEN