PARDA AUR HIJAAB

Bismillahirrahmanirraheem



Hijab aur Parda



"AUR MOMIN AURTON SE BHI KEH DO KE WOH BHI APNI NIGAAHEN NICHI RAKHA KAREN, AUR APNI SHARMGAAHON KI HIFAAZAT KIYA KREN, AUR APNI AARAEESH KO ZAAHIR NA HONE DIYA KAREN, MAGAR JO IS MEIN SE KHULLA REHTA HO. AUR APNE SINON PAR AURHNIYAAN ORHEN RAHA KAREN. ”


(Surah-Al-Noor, Aayat-no--- 31)



“AEY PAYGHAMBAR! APNI BIWIYON AUR APNI BETIYON AUR MUSALMAANO KI AURATON KO KEH DO KE APNE UPAR CHAADAR LATKA LIYA KAREN. YE HUKM IN KE LIYE SHANAAKHAT KE LIYE HOGA, TO KOI IN KO EEZA NA DEGA. AUR ALLAH BAKHSHNE WAALA MHERBAN HEY.

(Surah-al- Ahzab, Aayat-no-- 59)



Behooda Libaas



"Rasool Sallallahu alaihe wasallam ne irshaad farmaya ke jo auratein kapde pahan kar bhi nangi hi rahein aur doosron ko rijhayein aur khud doosron par rijhein aur bakhti oont (Camel) kii tarah naaz se garden tedhi karke chalein wo jannat mein hargiz daakhil na hongi aur na eski bu payengi.


(Sahih-Muslim)

KHWATEEN ISLAM KI BAHTAREEN MASJID

Bismillahirrahmanirraheem



AURTON KI NAMAZ MASJID ME AUR DEOBAND KA FARMAAN



Deobandion ne ek kitab chhapi hai jiska naam hai " KHWATEEN ISLAM KI BAHTAREEN MASJID" hai,

iske writer hz maulana habiburrahman sahab qasmi, ustaaz hadith darul uloom deoband hain,

74 page par mustaqil is kitab me aurton ko masjid me namaz ada karne ke mauzoo par izhaar-e-khyaal kiya gaya hai,

mukhtalif hadith aur aqwal aimma ki roshni me kheench taan kar apna maukaf saabit karne ki koshish ki gayi hai, kitab padhne se pata chalta hai ke faazil maulaf kisi bimari ka shikaar hain, hadith pesh karne ke baad jab tashrih shuru karte hain to thodi der baad ahsaas hota hai ke isse to mukhalif maslak ki taeed ho rahi hai, to fauran agar magar karke fitnah fitnah ki wird lagana shuru kar dete hain,

ab ham faaltu bahes na karte hue mudde par aate hain...


Aurton ke masajid wa eidgaah me jaane ke masle ko Kabhi bhi ulema e ahle hadith ne farz qaraar nahi diya hai, ahle hadith ka kahna hai ke sahih hadith se iska saboot milta hai, sahaba kiram, tabieen ne is sunnat par amal kiya hai, isse aurton ko deeni masail samjhne me madad milti hai, isliye masjid wa eidgaah me aurton ka maqool bandobast(intezam) karna chahiye taake wah sharai umoor ki pabandi karte hue us sunnat par amal paira ho kar kuch seekh saken, yah ek seedha sa masla hai, agar is sunnat ki adaaigi me koi rukaawat ho to imaandaari se us rukaawat ko door karne ki koshish ki jaaye na ke sunnat hi ko tarq kar diya jaaye....


Lekin deobandi alim hz habiburrahman qasmi sahab aur inke ham nawa group ki taraf se yah kaha jaata hai ke ahle hadith hazrat us amal ko " FARZ" qaraar dete hain, jabke uski farziyat ki koi daleel nahi hai, deobandi alim hz habiburrahman qasmi farmate hain:

" jamhoor fuqaha muhaddiseen is par mutawaffiq hain ke khwateen Islam par masjid me haajir ho kar jamaat me shirqat roo-e- shariat waajib aur farz nahi aur na unhe uski taqeed ki gayi hai, in tamam hadith se jin me aurton ko apne gharon me namaz ada karne ki targheeb dilaaiyi gayi hai, yahi huqm shariat saabit hota hai"

( khwateen islam ki bahtareen masjid pg 10,11)


ab janab hz habiburrahman rh deobandi ka kamaal ye hai ke wah pahle kisi masla ki noiyat aur soorat ko bigaad dete hain, phir is ka intisaab ahle hadith hazraat ki taraf karke sawalaat ki bauchaar karte hain, hadith pesh karte hain, aqwaal aimma se istadlal karte hain aur dalail ka meena baazar saza kar apne maslak ko saabit karke seedhi saadhi awaam ki waah waahi haasil karne ki koshish karte hain,


jab ulema e AHLE HADITH is masle ko farz nahi qaraar de rahe hain to mazkoorah aqtabaas ka kya matlab??

Haan aapke group ke kitne ulema kiram is amal ko haram qaraar de rahe hain lekin ek bhi daleel Pesh karne se qaasir hain bechaare, aakhir ulema e deoband is par khamosh kyon hai !

Ahle hadith par ilzaam laga kar apni aql kyon khraab kar rahe hain!



MANFI SOCH:


"Zaroori wazahat" ke unwaan se hz habiburrahman qasmi sahab farmate hain:

" huzoor sallalaho alaihi wasallam(pbuh) ke ye irshaadaat aaliya aapke saamne hain jo ta'dad tarq aur kasrat hain balke tawatar ki hadd tak pahunche hue hain jin se roz roshan ki tarah saaf hai ke auraton ka ghar se baahir nikalna mahal FITNA hai, aur inka apne makaan ke andar rahna allah ki raza aur takarrub ka zariya hai"

(pg 59)


hz habiburrahman qasmi deobandi sahab ne irshaad e nabwi me apne mijaaz wa mauqaf ke lihaaz se rang bharne ki koshish ki hai


agar aurton ka bahar nikalna mahal fitna hota to khud ahad nabawi me masajid me aane aur jihaad me shirqat ki qattan izazat nahi hoti !!

Jabke soorat e haal iske bar'ask hain, islam ne aurat ko Ghar se bahar nikalne se itni shakhti se saath mana nahi kiya hai, balke uske kuch adaab aur sharait hain jin ki ri'aayat laazim hai,

agar hz habiburrahman qasmi sahab ki faham ka aitbaar kiya jaaye to zindagi ki gaadi aage nahi badh sakti hai, kyonke bahut se mauqe par aurat ka ghar se bahar nikalna bilkul zaroori hai,

shadi byaah, marz aur dusre umoor ko to jaane dijiye uski taleem ka bandobast mushkil balke namumkin ho jaayega,

ho sakta hai hz habiburrahman sahab irshadat farma de ke inki taleem ki kiya zarurat hai, padhne likhne se majeed fitna paida hone ka andesha hai,


aage hz habiburrahman deobandi sahab farmate hain

" sacchi baat to yah hai ke nabi akram(sws) ke ek ek lafz aur har har faqrah se yahi mutarshah ho raha hai ke khwateen islam ko in saari sharton ki ri'aayat ke bawajood aapki zabaan mubarak se saaf taur par masajid se rok to nahi rahe hain, magar yah zaroor chahte hain ke khud Wah(aurten) aapki marzi wa mansha se waqif hokar baahar nikalne aur jamaat me haazir hone se ruk jaayen"

(pg no 60)


faazil hz habiburrahman qasmi deobandi ke is bayan ki roshni me kai sawaalaat paida ho rahe hain, jiska jawab khud qasmi shahab ke paas nahi hai, lekin masla kaali bhed(black sheep) ko qaabu me karne ka hai,

inke jayez shak wa subuhaat ka azaalah karna hai, iske liye kuch bhi kiya ja sakta hai,

yahi nuksaan hota hai TAQLEED jaamid ka, ke wah insaan ko kahin ka na chhodti hai, apni naak(nose) ke elawa usko kuch nazar nahi aata hai,

agar rasoollullah sallalaho alaihi wasallam (pbuh) aurton ka masjid me aana pasand nahi hota to saaf taur par mana farma dete, aap hujjat e islam they, islam ki taalimaat ko nihayat wazahat ke saath pesh karna aapki zimmedaari thi aur aap ne is zimmedaari ko bakhoobi ada kiya aur apni ummat ko ek muqammal deen dene ke baad duniya se tashreef le Gaye, agar aap ko zara bhi shubah hota to saaf taur par izhaar farma dete kyon ke ummat ki soorat haal inke saamne thi, lekin aapne hamesha aurton ko masjid me aane ki hausla afzaai farmayi lekin sharait par taqeed se amal karne ki shakhti ki,

aakhir qasmi sahab ke paas in sahih riwayaton ka kya jawab hai jisme aap(sws) ne farmaya:

" allah ki bandiyon yani aurton ko masjid jaane se na roko"

(musnad ahmad)


agar aap(sws) ki nazar me aurton ka masjid me aana fitna azeem hota to aap(sws) saaf taur par mana farma dete, kyonke aap ummat ke murabbi aur muallam they nek wa badd(sin) se aagaah karna aapki zimmedaari thi, lekin aap is baat ko jaante they ke aurton ke masjid me aane se faayede hain, inko deen ka ilm hoga, aur wah nafsiyaati taur par kisi ehsas kamtari ka shikaar nahi hongi..


NAFSIYAATI PAHLU YA NAFS PARASTI:



Ahad nabawi me masajid me aurton ke haaziri ki taweel in alfaaz me farmate hain:



" inki is haaziri me yah azeem faayeda bhi tha ke unhe baraahe raast huzur sallalaho alaihi wasallam(pbuh) ki taleem wa tarbiyat se istefaadah ki sha'aadat be nihaayat ka mauqa bhi mil jaata tha"


(pg no 18)


" is masla me yah nafsiyaati pahlu bhi madde nazar rahna chahiye ke huzoor sallallaho alaihi wasallam(pbuh) ki taaleem wa tarbiyat se hazraat sahaba wa sahabiyaat (ra) ke andar talab fazal wa khair ka tab'ee da'eyah paida ho gaya tha jiska ye laazmi nateeja tha ke is muqaddas jamaat ka har har fard raza e illahi aur hasool hasnaat ke liye bechain rahta tha, bil khusoosi mauqe khair masla jamaa wa jamaat aur jihaad wagerah me peeche rah jaana inke liye sohaan rooh se kam na tha, tahseel fazl wa karamat ke isi jazbe ke tahat aurton ne huzoor sallallaho alaihi wasallam(pbuh) se jihaad me apni adam shirqat ka shiqwa bhi kiya aur uski ijaazat chaahi"

(pg no 19,20)


maahir nafsiyaat deobandi alim ko Malum hona chahiye ke aaj bhi jo log aurton ko masjid wa eidgaah aur deeni ijtema wagerah me le jaane ka maqool intezaam karte hain wah aurat ki isi nafsiyaat aur talab khair ke muqaddas jazbe ke ri'aayat karte hain, kyonke aurat islami mu'aashre ka ek aham hissa hai, zindagi ki kisi bhi mod aur dawati mission ki kisi bhi marhala me iske kirdaar aur asar ko nazar andaaz nahin kiya ja sakta hai, agar aapka yah khyaal hai ke aaj ki khwateene islam me talab khair ka jazba khatam ho gaya hai, deeni ahmiyat khatm ho chuki hai, unhe deeni umoor se koi lagaao nahi, to yah aapki ghalat fahmi hai,


balke mere mutabik yah sarasar bohtaan aur ilzaam hai, aap tamam khawateen ki niyyat par shaq kar rahe hain,

maana ke chand aurten agar is sunnat ki aad me bad'tameezi aur be hayaai kare to kya saari aurton ko ek sunnat ada karne se mahroom kar diya jaayega??

Mohtaram deobandi sahab ! Allah ke rasool sallallaho alaihi wasallam(pbuh) nahi rahe, sahaba kiram aur tabeen ka zamaana bhi na raha, lekin deen ka paigaam baaqi hai aur isko aam karne ki zimmedaari ulema kiram par hai, rasool ka uswa hasana aur tareeke kaar hamare liye hidayat aur roshni ka minaar hai, aur jab allah ke rasool ne dawati umoor me khwateen e islam ko nazar andaaz nahi kiya to aaj ham kaise inko nazar andaaz kar sakte hai,

kya sirf ahad nabawi me inko islami majlison se istefaad karne ki ijaazat thi, aakhir aaj ke ulema kiram ki wa'az wa nasihat ki majlison me wah poore islami aadaab wa sharait ke saat kyon nahi shirqat kar sakti hain,

jumah aur eidain ke khutbaat aur dusre deeni ijtemaat millat ki sahih rahnumaayi ka aham zariya hai, aap is millat ki aadhi aabaadi ko zabardasti rok rahe hain, tasawwur kijiye millat kahan jaayegi??

Masla kisi fiqhi maslak ka nahi hai baat islaam ke usool aur sarbulandi ki hai, zara baher nikal Kar zameeni haqaiq ka nazaarah kijiye logon ke aitraazaat ko suniye phir fatawa dijiye,

fiqah ki do chaar moti moti kitaben padh kar fatawa dena aasaan kaam hai lekin badalte mahaul aur mu'aashre me millat ki sahi rahnumaayi badi mushkil cheez hai,



AAKHIRI TEER:



ye hz habiburrahman qasmi ka aakhiri teer hai mulaheza ho:

" kis qadar hairat ki baat hai ke aaj jab ke maghribi(western) aurton ki aazaadi aur pardahdaari se tang aakar apni akhlaaqi tabaah haali par maatam kar raha hai, aur wahan ke log is be hijaabi ki aagosh se aur parwaan chadhne waali insaaniyat soz be-hayaai wa fahashakaari se apne mu'aashre ko bachaane ki tadbeeren soch rahe hain, hamare mashriq ke naam nihaad musleehin namaz wa masjid se muqaddas aur ba'azmat naam se mastooraat ko be pardah karne ke darpe hain"


(pg no 73)


hz maulana habiburrahman qasmi ke fiqri aur sathi soch par maatam karne ko ji chaahta hai, kitni aasaani Se bilkul do mukhtalif nazar me maghribi aur mashriqi tahzeeb(culture) me yaksaniyat dikha kar apne maslak ki taeed ke liye raasta saaf kar diya hai

kaash millat ke in maulwion ki zahni aqal aur qalmi ka washeen kitab wa sunnat ki nasr o ishaa'at aur islam ki sacchi aur paakiza talimaat ki tableegh par sirf hoti to aaj mulq ka manzar nama aur musalmano ki soorat e haal kuch aur hoti,

bura ho maslaki taassub aur taqleed jaamid ka jisne islaam ki saaf suthri taaleem ko bilkul khaarij kar diya hai aur aaj duniya unhe khud shafiya usoolon aur fiqah ke ghinaune masail ki roshni me islam ki muqaddas taalimaat ko nabood kar rahe hain...


Lagta hai deobandi sahab ko maghrib ki naam nihaad tahreek aazaadi 'niswan' ka bilkul sathi mutaala hai, jab hi to is gair fitri tahreeq ka mawaaznah islaam ke in paasbaano se kar rahe hain jinhone aurat ko is sharai haq rahne ki waqaalat ki aur samaaj me iske mutaalbah Qirdaar ki wazahat farmayi,


maghrib ki tahreek aazaadi 'niswan' ka buniyaadi maqsad aurat ko har qaid wa band se aazaad karna tha, iske peeche inka zaati mufaat aur khabaasat nafs posheeda thi wah behayaai aur faishion aur tarakki ke naam par farogh de kar awrat ko apni hawas ka shikaar banana chahte they, is napaak maqsad ke liye unhone na sirf islaami taalimaat ko nazar andaaz kiya balki akhlaqiyaat ke tamaam usoolon ko tyaag de diya aur is tahreek ki mukhalifat karne walon ko zulmat pasand aur dakiyanoos qaraar diya.....


Arab duniya me misri adeeb qasim ameen ne " tahrir maraat" aur "miraat ul jadeed" likh kar is tahreeq ko taqwiyat pahunchayi, misri leader saad ghuloon ki biwi safiya khan aur misri novel nigaar ahsaan abdul quddoos ki maa rozal yousuf isme pesh pesh thin, hindustan me taslima nasreen wagerah ne is tahreek ko aage badhaane ki mazmoon koshish ki,

agar is tahreek aur zahniyat ka Mutaalba kiya jaaye to yah baat wajeh taur par saamne aati hai yah radd amal tha jo TAQLEED wa tassub ki den tha,

inke mu'aashre me aurat jayez huqooq se mahroom thi, islam ke naam par jor wa zabar ka shikaar thin.

Fuqaha ki be zameere, haqaiq se chasm posi aur andhi taqleed se aajiz aakar in logon ne yah ghalat raasta akhtiyaar kiya tha,

agar deobandi maulwion ne imaandaari aur hikmat se islami taalimaat ki roshni me aurat ko iska jayez haq diya hota to aaj duniya ko aurat ke naam par islaam ko tanqeed ka nishaana na banaane ka mauqa nahin milta aur muslim mu'aashre me is tarah se gumraah log nahi paida hote,

lekin yahan to masla taqleedi riwaayat aur fiqhi maslak ke hifazat ka hai, chaahe islam ki mitti kitni hi paleed na ho.....


Maulwi habiburrahaman qasmi sahab yah rujhaan aapke halqe me bhi panap raha hai, aapne aurat ke hawaale se jo fitna fitna ki wird shuru kar rakhi hai usne auraton Ko radd amal par majboor kar diya hai, wah apni aankhon se dekh rahi hai ke AHLE HADITH hazraat aurton ke liye masaajid ,eidgaah aur deeni ijtemaat me shirqat ka maqool bando bast karte hain aur khwateen islam sharai aadaab ki pabandi karte hue inme haazir hoti hain aur hasab istataa'at istefaadah(benefit) haasil karti hain, aur allah ke fazal se koi khalal aur koi fitna wa fasaad nahi paida ho raha hai, to aakhir hamare ulema kiram kyon fitna ka bahana bata kar aurton ko ek nek kaam aur mufeed kaam se mana kar rahe hain,


ye rujhaan shahron ki taaleem yaafta khwateen me to badi shiddat se aam ho raha hai, tabhi to baaz log apne fiqhi maslak ko chhod kar is sunnat par amal karne ki zurrat ki hai aur aapko bhi der saber taqleedi daayere se nikalna hai, warna radd amal ki ye chingaari saa'ila jwalamukhi(volcano) ban kar aapke taqleedi imaarat ko jala kar khaak kar sakti hai,

halaat kharaab hone se pahle Zameeni haqaiq ko samjhen aur kitab wa sunnat ki taalimaat ko aam karne ki koshish karen


hz habiburrahman qasmi sahab ki soch par hamen tajjub to nahi par afsos zaroor ho raha hai ke ek sunnat rasool ka amal karnewalon ko aap maghrib ki be-maghroor aur be-haya aurton se mila rahe hain,

kya aaj jo log khwateen islam ko masajid namaz aur juma ada karne ki ijaazat dete hai, eidgaah aur deeni ijtemaat me in ki shirqat ka maaqool intezaam karte hain wah 'hawas' aur 'behaayai' ki tableegh kar rahe hain? Naozubillah

kya wo fitna aur fasaad paida kar rahe hain??

Kya wah log islam se bughz wa keena rakhte hain?? Naozubillah

kya wo aurton ka sahara lekar poore islaami mu'aashre ko kharaab karna chaahte hain??

Taassub me deobandi hazraat kahan chale gaye, aap ko yah bhi hosh nahi raha ke aapke qalam se kya kya nikal raha hai, islami mu'aashre ki nifs(half) aabaadi ke darmiyaan deeni sha'oor wa ahsaan Paida karne walon ke liye aap kya farma rahe hain??


Jo aurton juma aur eidain ki namaz me shirkat na hokar shahron ke bazaaro me bina burqa daale jaati hain, aur faisionable aur nange kapde pahan kar shaadi biyaah me shirqat karti hain, atkheliyan karti hai,wagerah inke khilaaf aap kya kar rahe hain???

Agar in aurton ko eidgaah jaane se rok diya hai to itni hi shakhti se baahir nikal kar shahron par udham machaane se bhi rok dijiye ya islami mu'aashre ke liye bahut acchi baat hogi..

Isi tarah mazaaron par jo mele lagte hain aur wahan aurten mardon ke saath saath nazar aati hai, iffat wa asmat ka koi lihaaz nahi rahta hai, aur mazaaron ka to haal hamen nahin malum, lekin nizaamuddin dehli ka manzar ham ne apni aankhon se dekha hai, aur us manzar ko bayaan karne ki taqat nahi hai,

aap badi tadaad me hai, rasookh bhi hai aur rasaai bhi, in buraiyon ke khilaaf bhi itni hi shakhti aur shiddat se boliye Kitaben likhiye,

bewajah ahle hadith hazraat ke islaahi programon me khalal mat paida kijiye, agar kisi cheez me ikhtelaaf hoto ilmi andaaz me iska radd kijiye aur haq wajeh ho jaane ke baad tasleem kar lijiye ham sab ko allah ke darbaar me haajir hokar jawaab dehi ke marhale se guzarna hai, sheeshe ki haweli se baher nikal kar dekhiye ke 21wi sadi me pahunch kar aap duniya ko kaun si islam ki dawat de rahe hai??

Allama iqbal rh ne sahih kaha tha


" KHUD BADALTE NAHI QUR'AAN KO BADAL DETE HAIN

HUWE KI DARJAH FAQIHAANE HARAM BE-TAUFEEQ"


ALLAH HAMEN HAQ BAAT KAHNE AUR USPAR AMAL KARNE KI TAUFEEQ DE.......AMEEN

Jo ladki apni Izzat Khud nahin Karti, Koi Ladka Uski Kabhi Izzat Nahin Karega !

Jo ladki apni Izzat Khud nahin Karti, Koi Ladka Uski Kabhi Izzat Nahin Karega !


Jab Koi Ladki Date Ya Ladke Ke Saath Kahin Tanhaayi Me milte Hain Toh Ladke Ke Mind Me Ye Baat Zaroor Aati Hai Ke
" Jo Ladki apne Maa, baap, Apne Bahen Bhai Ki Izzat ki Paasdaari Nahin Kar Sakti Jinke Saath Khoon Ka Rishta hai, Toh Kya meri Izzat Karegi "


Ladka Aisa Ladki Ko Date Par Toh Zaroor Le Jaayega, Magar Jab Shadi Ki baat Aayegi Toh Nek Aur Paakeeza Aurat Ko Hi Choose Karega,


Isliye Apne Aapko Aisa Chand Na Banaao Jis par Har Kisi Ki Nazar Pade

Balke Aisa Sooraj Banaao Jis par Nazar padhte Hi Jhuk Jaaye


Allah Ne Beti Ko Rahmat Banaa kar Bheja hai,

Ise Rahmat Bankar Rahna Chahiye Na Ke Zahmat..


Aur dua Kijiye ke Ya Rabbul Izzat Sab Musalman Aurton Ko  Ek Aisi Achhi Beti, Bahen, Biwi Aur Maa Banne Ki Taufeeq De...

Valentine Ke Naam Par Ghar Ki Dahleez paar Karna Aur Thokar Khaana Apni taraf se Hota Hai  Shaitaan Haath Pakad Kar Gunaah Nahin Karwaata Na Hi Be'hayaai Allah Ki Taraf Se Hoti Hai.....

FACEBOOK LOVE

EVER 7 OUT OF 10 GIRLS
INVOLVES IN FAKE
LOVE ON FACEBOOK . 



LOVE ON
FACEBOOK IS
NOT A LOVE IT’S A LUST , LUST
{SEXUAL
DESIRE}.



SISTER PLEASE
WAKEUP BOYS USE
FACEBOOK CHATTING FOR FUN


BUT GIRLS
TKE IT SERIOUS AND INVOLVE IN
EVIL ACT .



REMEMBER THE TRUE LOVE
HAPPENS ONLY
AFTER MARRIAGE .


IF YOU ARE
IN THOSE 7
OUT OF 10 SO PLEASE REGRET



AND ASK
FORGIVENESS TO ALLAH AND IF
YOU ARE
THOSE 3 OUT OF 10 THEN



THANKS ALLAH
FOREVERYTHING WHICH HE HAD
KEPT AWAY
YOU FROM HARAM AND GREAT
SIN .



ALWAYS REMEMBER ALLAH SAYS
IN QURAN


SURAH AL NOOR - BAD MENS
ARE FOR BAD
WOMENS AND BAD WOMENS
ARE FOR BAD
MENS ,


PURE MENS ARE FOR
PURE WOMENS
AND PURE WOMENS ARE FOR
PURE MENS .



PLEASE SHARE AND PREVENT
OUR SISTERS
AND BROTHERS FROM THIS SIN .
SURELY
ALLAH WILL REWARD WHOEVER
PASSES THIS
INFO .


WHO KNOWS IF ANYONE
ALSO COMES
TO THE RIGHT PATH IT WILL
BECOME A
MATTER OF MAGHFIRAH TO US
ON THE DAY
OF JUDGEMENT .


YA ALLAH SAVE
OUR
BROTHERS AND SISTERS FROM
THIS
FACEBOOK CHATTING FITNAH .




♥ AAMEEN YAA RABBUL A’ALAMEEN ♥

MUSALMAN AURAT KA PARDA AUR LIBAAS:

Bismillahirrahm anirraheem

MUSALMAN AURAT KA PARDA AUR LIBAAS:

Aurat ke liye Pardah Islami Shariat ka ek

waazeh Huqm hai, Aur iska maqsad bhi bilkul

Saaf hai,

Islam ne Insaani fitrat ke Ain mutaabik ye

faisla kiya hai ke Aurat aur Mard ke Taalluqaat

Paakeezgi, Safaayi aur Zimmedaari ki

buniyaadon par ist'waar hon,

Aur isme koi khalal (rukaawat) na aane paaye....

Isliye Islam ne Zina aur Uske asbaab Par

muqammal rok lagaayi hai, kyonki Ye Apni

Khwaahishaat ko poora karne ka Haiwaani

Zariya hai,

Jisme tahaarat (paaki) aur zimmedari ka adna

si bhi jhalak maujood nahin , 

balke ye

Jismaani aur roohani Aafat ka sar'chasma hai,

Islam ne zina ki is buraayi ko rokne ke liye 3

tadbeeren akhtiyaar ki hain

1- Rabbani irshaadat (Quranic ayah) wa

hidaayat, Nabwi waaz wa naseehat (hadith),

iska bayan Kitabullah ki aayat aur sunnat e

rasool sallalaho alaihi wasallam ke mukhtalif

(diffrent) Jagahon me be'hadh Mu'assir aur

be'legh Andaaz se maujood hai,

Kahin iffat wa Asmat (paak daam) par

bahtareen ajr wa sawaab ka zikr hai 

toh

kahin Fahash'kari (fornication) par shakht

Azaab ki Waeed (huqm),

2- Hudood (boundation) aur sazaayen jiske

tahat Ghair shadi'shuda (un married) Zaani ko

100 kode (lashes) maarne aur Shadi'shuda

zaani ko sangsaar karne ka Intehaayi

shadeed tareen huqm hai,

sangsaar kahte hain zaani ko aadha zameen

me gaadhkar pattaron se tab tak maarna jab

tak uski maut nahin ho jaati,

3- Ghair mahram mard aur Aurat ki ek dusre

se muqammal Doori, aur unke Baahiri

taalluqaat par do took paabandi,

isi paabandi ka hissa ye hai ke Agar aurat ko

Ghar se baahir nikalna aur Ajnabi mardon ke

Saamne se ghuzarna padhe toh wah pardah

kar le...

Chunke Chehra husn wa Qabeeh ka asal

meyaar hai, aur Is par ubharne waale

taasaraat (khyaalaat) dili jazbaat wa

ahsaasaat ki tarjumaani karte hain,

Aur Nigaah Paigham bhejne ka kaam anjaam

deti hai, balke khoofiya (secret) jazbaat wa

ahsaasaat ko ubhaarti hai,

isliye Parde ke huqm ka awwaleen Nishaana

ye hai ke Chehra ghair mahram ki Nigaahon

se ojhal rahe, 

Aur aankhen ajnabi ankhon se

takraane n a paaye...

Magar ye Ajeeb baat hai ke Ulema ne sab se

badh kar isi masle me akhtelaaf kiya hai, 

aur

bahut se pur'josh logon ne isko mansha e

Islam Qaraar diya hai,

aur iske liye Ajeeb o Ghraeeb dalail pesh kiye

hain,

Chunanche ek daleel ye pesh ki jaati hai ke

" Aurat ko haalat e namaz me chehre aur

haath khula rakhne ki ijaazat hai, unhe

dhaanpne ka huqm nahin diya, isliye Chehra

aur haath parde me shaamil nahin"

Halaanke agar ghaur kiya jaaye toh ye bilkul

be'tuki Daleel hai,

kyoki namaz ki satar'poshi ek alag cheez hai,

Aur insaano se parda alag cheez ,

kahin namaz me ek Cheez ke parde ka huqm

hai, magar insaano se uske parde ka huqm

nahin

maslan (For example) Mard ko kandhe

dhaanpne ka huqm hai, Magar insaano ke

saamne nahin....

Bas isi ki tarah ye bhi ho sakta hai ke Namaz

me ek Cheez ke parde ka huqm na ho aur

insaano ke saamne ho,

Dar'haqeeqat Namaz me Satar ka huqm kuch

aur maqsad rakhta hai aur Insaano ke parde

ka huqm kuch aur hi maqsad rakhta hai,

Lihaaza ek dusre par qiyaas nahin kar

sakte..........

TO BE CONTINUED...

SHADI EK SCHOOL KI TARAH HAI

Shadi Ek School KI tarah Hai Jiska Cetificate
Aapko Shuru Hi Me Mil Jaata Hai




Ek Aisa School Jisme Aapko Graduate Nahin
Hote



Ek Aisa School Jisme Kabhi Free Period Aur
Break Nahin Hota.



Ek Aisa School Jisme Aapko Chhodne Koi
Nahin Aata


Ek Aisa School Jisme Aapko Apni Zindagi Ka Ek
ek Lamha Guzaarna Padhata Hai



Ek Aisa School Jisme Koi Sick Leave Aur Holiday
Nahin Hoti



Ek Aisa School Jo Allah Ki Taraf Se Banaya Gaya
hai


1- Jiski Buniyaad Pyaar Par Bani Hai


2- Jiski Diwaar Bharose Par Tiki hai


3- Manzoori (Acceptance) Se Bana Hua
Darwaaza


4. Jiski Khidkiya Aitemaad Par bani hain


5- Jiski Chhat (roof) Imaan Se Banaya gaya
hai..


6- JiskA Furniture Rahmat wa Barkat Se
Banaya Gaya Hai


Isse Pahle Ki Aap Bhool Jaayen.

Ye Zehan Me
Rakhiye ki
Aap Student Hain Principal Nahin


Balke


Allah Taala Hi Aapka Principal Hai..


Toofaan (Storm) Ke Waqt Ghabraaiyye Nahin


Aur Iske Baaher Na Nikaliye...

Yaad Rakhiye..

Ye School Aapke Liye Ek Mahfooz Jagah Hai..


Kabhi Din Ke Kaam (assignment) Ko Karne Se
Pahle Kabhi Mat Sona..


Kabhi Bhi Apne Classmate (Spouse) Aur
Principal (Allah) Se Baat-cheet Karna Na
Bhoolna..



Agar Kbhi Aap Apne Classmate Ko Dekho Ki
Wo Aapka Saath Nahin de raha hai


Toh Yaad
Rakhiye ki
Wo Bhi Ek Student Hai Graduate Nahin...


Aur Yaad Rakhiye Ki Principal Ki Nigaah Apne
Student Par Hamesha Rahti hai...


Aap Apne Classmate Ke Is Amal Ko Challenge Ki
Tarah leN Aur Mil kar Kaam Karen...


Is School Ki Aham wa MuqaddaS Kitab Jo Is
School ki Buniyaadi Kitab (Quraan) Use
PadhNa bilkul Bhi Na Bhoolna..


Har Din Ki Shuru'aat Muqaddas Assembly
(Namaz) Ke Zariye Karna Aur Khaatma Bhi...


Kabhi kabhi Aapko Mahsoos hoga Ki Aapne
Class Attend Nahin Ki.Jabke Aap kar Sakti Thi..


Kabhi Kabhi Aap Class Attend Ni Kar paogi..


Aise Me Himmat Na haare Balke Class Dobara
Attend Karne Ki Koshish Karen......


Allah Aapki
madad Karenge..


Kuch Test Aur Imtihaan Aapko Mushkil Lag
sakte hain....


Lekin Yaad Rakhna Principal Jaante hain Ki
Aap Kitna Bear kar Sakte ho..



Phir Bhi ! Ye Zameen Ka sabse Bahtareen
Schools mese hai,



Isme Aman ; kushi Aur Muhabbat Ke saath Har
Lesson Ko Enjoy karna..



Is school Me Bahut Se Subject Padhaaye jaate
hain..


Lekin Muhabbat Is School Ka Khaas Subject
hai....


Itne Saalon Se Nazariyaati (Theorotical) Ilm Ke
Baad..


IsPar Amal Karne ka Aapko Mauqa milta
hai..


Muhabbat Karna Ek Acchi Baat Hai lekin Isko
Apne Urooz tak Pahunchaana Isse Bhi acchi
baat Hai....


Shadi Muhabbat Ki Jagah Hai, Toh Aap Apne
Partner Se Muhabbat kariye...


Lekin Yaad Rakhen..


Is Class Me Kisi Ko Bhi Aane Ke Ijaazat nahin
Dijiye..


Agar Aap Is class Me Apne Maa, Baap Ya Koi
Dost
Ko Ya Koi Aur Jisko Nahin Aana Chahiye Is
Class Me Laana Chaahti Ho...


Toh samjh Lijiye Ki Aap Is Exam Me Fail Ho
Jaogi


Ye Aap Hi Ho Jisko Class Attend Karna Hai Aur
Pass Hona Hai


Ye Aaj Aapki Choice Hai Ki Aap Is Rishtey Ko
Jodhti Ho Ya todHti Ho...



Allah Taala Ham Sab Par Apni Rahmat Naazil
Farmaaye..

STOP ABORTION

STOP ABORTION...... B'COZ IT IS FORBIT IN ISLAM



Allah Taala ne farmaya


" Aur jab Zinda Gaadi Gayi Ladki Se Poocha
jaayega ki Wah Kis Kusoor Me Maari Gayi "


(surah takweer 8- 9)



" Apni Aulaadon Ko Ghareebi Ke Darr Se Qatal
Na karo, Ham Unhe Bhi Rizq (provision) Denge
Aur Tumko Bhi, Haqeeqat Me Unka Qatal Ek
bada Jurm Hai"


(surah Bani Israel ayat 13)


Aur farmaya



" Aiy Nabi (sws) ! Inse Kaho Ke aao Main
Tumhe Sunaaun Tumhaare Rabb ne Tum par
Kya Pabandiyan Lagaayi Hain,

Yah ki Kisi Ko apne saath Shareek na Karo Aur
Waalidain (parents) Ke saath Nek Sulook Karo

Aur Apni Aulaad Ko Ghareebi Ke darr Se Qatal
Na karo ,

ham Tumhe Bhi Rizq (rozi) Dete Hain
Aur Unko Bhi Denge"


(surah Anaam ayat 151)



"Jab In mese kisi ko Beti Ke Paidaish Ki
Khush'khabri di jaati hai Toh Iske chehre Par
syaahi (gham) aa jaati hai,

Aur Wah bas Khoon
Ke ghoont Pi Kar Rah jaata Hai,


Logon se chhupta Firta hai Is Buri Khabar Ke
baad Kisi Ko Kya Muh dikhaaye,

Sochta hai Ki zillat (badnami) ke Saath beti Ko
Liye Rahe Ya Mitti Me Daba De ??

Dekho Kaise Bure Huqm Hain Jo Yah Allah Ke
Baare Me Lagaate Hain "


(Surah Nahal ayat 58- 59)

DONT WEAR HIGH HEAL SANDLE

"...........Aur zor se Pair (feet) na maara karen ki (jhankaaron ki awaaz se) unki Chhupaayi hui Zeenat maalum hone lage....... "


(surah noor ayat 31)

JANNATI AURAT

Nabi e akram Sallalaho alaihi wasallam Ne Farmaya

" Jo Aurat Paancho Waqt Ki Namaz Pabandi Se Ada Karti Rahe Aur Ramzaan Shareef Ke roze Baraabar Rakhti Rahe, 

Aur Apne Aapko Buraaiyyon Aur Badkaarion Se Mahfooz Rakhe Aur Apne Shauhar Ki Itaat aur Farma'bardari Me Lagi Rahe

Toh Use Qayamat Ke din Kah Diya jaayega Ke

Jannat Ke Aathon (8) Darwaaze Tere Liye Khule Hain Jis Darwaaze Se chaahe Jannat Me Chali Ja"

(Rawaah Ahmad ; Tibrani)

AURAT KA JIHAD

Nabi e Akram Sallalaho alaihi wasallam Ki
Khidmat Me ek Sahabiyyah (ra) Haazir hui,
Aur Arz kiya ke


"Huzoor Main Tamam Aurton ki Taraf se
Qaasid Bana Kar Aapki Khidmat Me Bheji Gayi
Hoon,

Sab Ki Taraf Se Mera Aapse Ye Sawaal
Hai Ke Mardon Par toh Khuda Ne ye
meherbaani Ki Hai Ke Unke Liye Jihaad
Muqarrar Kiya Gaya Aur wah Jihad Me Ghaalib
aa jaayen Toh Ajr Wa Sawaab Mila Aur Deenwi
Maal E Ghanimat Bhi Haath Aaya


Aur Agar Haar Gaye, Aur Maare Gaye toh
ShahadaT Ka Azeem Darja Naseeb Hua, Rabb
Ke paas Zinda rahe Aur roziyan Khaate rahe,


Ham aurtein Toh Aakhir Unhi Ki Khidmat Me
rahti Hain,

Ham Is Darjah Jihaad Se Mahroom hain ???"


Toh Nabi e akram sallalaho alaihi wasallam ne
Irshad farmaya


" Jaao ! Jo Aurat Bhi Tumse Mile Mera ye
paigham un tak pahuncha do Ke

Aurton Ka jihaad Yahi Hai ke Wah Apne
Shauharon Ki Farma'bardari Karen Aur Unke
Haq ka Iqraar Karen Allah taala unhe Jihaad Ka
Sawaab Inaayat Farmaayega Aur Aisa Karne Waali
Aurtein Tumme Bahut Kam hain "


(Rawaah Bukhari)



Hadith ki roshni Me Ye Saabit Hua Ke shauhar
Ki Itaat Wa Farma'bardari Me Aurat Ka Jihaad
Hai
aur Use Jihaad Me Jaane Ka baraabar Sawaab
Milega

  

JANNATI MARD AUR AURAT

JANNATI MARD AUR AURAT



Hz anas (ra) Se Riwaayat Hai ke Nabi e Akram
Sallallaho alaihi wasallam ne Farmaya Ke



"Main tumhe Batlaaun Ke Mardon Mese Kaun
Se Mard Jannat Me Jaayenge"


Ham Sabne Kaha :-"Haan ! Ya rasoollullah
Irshaad Farmaayye"


Aap sallalaho Alaihi wasallam Ne Farmaya


" Ambiya (as) Jannati Hain, Siddeeqeen Jannati
Hain, Aur Wah Log Jannati Hain Jo sirf Allah Ke
Liye Aapas Me Muhabbat Rakhen,

Shaher Ke Is Kinaare Par Wah hain Aur Us
Kinaare Par ye Hai Usse Milne Jaata hai,

Lekin
Kisi Wajah Aur Matlab Ke Liye Nahin Balke Sirf
Allah Ke Liye"


Ab Batlaaun Ke Kaun si Aurtein Jannati Hain


Hamne Kaha:-" Haan ! Ya Rasoollullah Zaroor
Batlaayen"


Aap sallallaho Laihi wasallam Ne Farmaya


" Wah Auratein Jo Apne Shauharon (husband)
Aur Aulaadon ke Saath Muhabbat Rakhne
Waaliyan Hon,

Jab Unhe Naraaz kar diya jaaye Ya Unke
Shauhar Unse Bigadh Jaayen, Rooth Jaayen,
Ghussa Ho Jaayen, Toh Ye Kah Den Ke


Ye hai Mera Haath Aapke Haath Me, Main
Aankh Na jhukaaungi, Sukh Ki neend na
Soungi, Jab Tak aap Mujhse Khush Na ho
Jaayen "


(Tabrani)

LIFE PARTNER KA INTEKHAAB

Ek Muslim Ladki Ek Muslim Ladke Ko Shadi Ke
Liye Propose Kar Sakti Hai



Agar Wo Jaanti Hai Ki Ladka Acche AkhlaaQ wa
Deeni Maalumaat Ka Haami Hai

Toh Wah Ek
Accha Husband Ho Sakta Hai


Wo Ek Islami Tareeqe Se Shaadi Ka Paighaam
Bhej Sakti Hai


Kuch Tahzeeb (cultures) Me Dekha Gaya hai Ki
Log Is maamle Me Ghalat Tareeqa Akhtiyaar
Karte Hain..


Lekin Wo Tareeqa Un Apna Banaaya Hua Hai..


Islamic Nahin hai !!!


Ham Us Society Me Rahte Hain Jahan Logon Ke
dimaagh Me Ye Rahta Hai ki Sirf Ladke Hi
Shaadi Ka Paigham bhej Sakte Hain


Ye Hamari Society Ka Rule hai Jisme ye Samjha
jaata hai Ki Sirf Ladka Hi Shadi Ke Liye Propose
Kar Sakta Hai Aur Agar koi Ladki Aisa Kare Toh
Badi Hi Sharm Ki Baat Samjhi Jati Hai.....


Bahut si Ladkiyan Aisi Hoti Hai Jo Intezaar
Karti Hai Ki Wo Ladka Shaadi Ka paigham
Bheje


Aur Kabhi Kabhi Toh Maheeno Aur Saalon
Ghuzar Jaate Hain....


Agar Wo Ladka Propose Na Kare toh Us Ladki
Ki Zindagi Me Question Mark Lag Jaata Hai


Kuch Cases Me Jab Beti Apne Liye Bahtar
Husband Ke Baare me Apne Parents Ko
Bataane Ki Himmat Bhi Karti Hai toh usKe Is
Amal Ko Jurm Samjha jaata Hai Aur Usko
Ghalat Nigaah se Dekha Jaata hai...


Aur Ye
Samjha JaatA Hai Ki Zaroor Uske Us Ladke Ke
Saath Ghalat Rishtey Honge


Ye Saare Mughaalte Islamic Taleem Ke Khilaaf
Hai


Quran aur Sunnat Me Aisa Kahin Nahin Hai Ki
Ladki ApnI Pasand Ke Ladke Ko Shaadi Ka
Paigham Nahin bhej Sakti


Hamare Liye Sabse Bahtar Role Model Hamre
Nabi Sallalahi alaiahi Wasallam hai


Aur Is masle Ke mutaallik Hamen Ek
Khoobsoorat Namoona Mil sakta hai


Jab Ummul momineen Hz khatija (ra) Ne Nabi
Sallalaho Alaihi wasallam Ko Shadi Ka paigham
Apni Saheli ' Nafisah ' Ke saath Bheja


Nafisah ne Shadi Ka Paigham Nabi Sallalaho
Alaihi wasallam Ko diya..


Aur Aap sallaho Alaihi wasaalam Ne Us
Paigham Ko Qubool Farmaya


Agar Ye Tareeqa Ghalat Aur Sharm'naak Hota
Toh Beshaq Allah Taala Is tarah Ke paigham Se
Kabhi Raazi Na hota Jisme Ek Aurat Khud Apni
Shaadi Ka paigham Bhejti Ho...


Islam Me Aisa Koi Huqm Nahin Ke Aurat Ke
Mard Ko shaadi Ka paigham Nahin Bhej Sakti
Isme koi harj nahin


Lekin Paigham Bhejne ka Tareeqa Waisa hi
Hona Chahiye JisMe Islamic Shariah Ki Khilaaf
Warzi Na Ho


Ek Ladki Apne Parents Ko ye Kah sakti hai ke
Us ladke Ke Parent se Shadi ke Liye baat Kare...


Jis Ladke Me wo Interested Hai Use Apni
Sister, Cousin, Khaala (aunty). Etc ke Zariye
Paigham Bhej Sakti hai Ye Jaanne Ke liye Ki wo
Bhi Interested Hain Ya Nahin...



Wo Ladki Use Directly Bhi kah Sakti hai Islam
Me koi Mumaaniyat Nahin Hai


Lekin Use Islamic rules Follow Karne
Padenge...


Aur In Cheezon se Bachna Padega Jaise
Nazrein Milaana, Dating Karna, Mobile Par
Chatting , Flirting, sexual Speech....Etc


Ye sab Haram Cheez hain...
Isse koi Farq nahin Padta Ki Propose Kaun kar
raha hai wo Kis Caste ka hai...


Jo Bhi Amal Kiya jaaye ek Acchi Niyyat Se Kiya
Jaaye...

Aur Islamic rules ke Daayere Me hi kiya
jaaye...


Aur Ye Bhi Jayez hai Ki Ladki Ke Ghar Waale
Shadi Ke liye Pahle Paigham bhejen


Hamari society Me ye Paaya jaata Hai Ki Pahle
Ladke Waale Hi Shaadi Ka Paigham Bhejte
Hain..


Aur ladki Waalon kI Taraf se Rishta Bhejna
Ghalat Samjha Jaata hai..

Aisa Amal Sahih Nahin
h



Sayyiduna Hz umar Bin Khattab (ra) Ne apni
Beti Hz hafsa (ra)
Ke liye Sirf Ek Sahabi (ra) Paigham nahin Bheja
Balke 2 Ko Paigham bheja Tha

1- Hz usman (ra)
2- Hz abu bake Siddeeq (ra)


Aur Iske Baad Khud Nabi sallalaho Alaihi
wasallam Ne Hz hafsa (ra) Se Shadi Ke liye Hz
umar bin khattab (ra) Ko Paigham Bheja Tha..


Isi Tarah Jab Allah Ke Nabi Hz Shuaib (as)
Ne Hz Moosa (as) Me Paakeezgi, Sacchhayi AuR
Taqwa Ko Dekha Toh Apni Ek Khoobsoorat
Beti Ka Shadi Ka paigham Bheja Tha


Toh Is baat Se Saabit Hota Hai Ki Ladki Ka wali
Ek Accha Aur Deendaar Aur Suitable Ladke Ko
Apni Beti Ke Liye Shadi Ka paigham Bhej Sakta
Hai Isme koi Ghalat nahin..



Hamen Yaad Rakhna Chahiye Ki
Kahadija-tul-ku bra (Ra), Nabi sallalo alaihi
wasallam ki Pahli Biwi thin Aur Unhone Nabi
sallalaho Alaihi Wasallam Ka Rishta Khud Bheja
Tha..


Jab aisa Us Waqt Ho Sakta Hai Toh Phir Aaj
Kyon nahin Ho Sakta


Ye Aapka Haq hai


Is liye Agar Aap Kisi Acche Ladke Ko dekho Ki
Wo Aapka Husband Banne ke Laayeq hai toh
Us Ladke Ko Paigham Bhejne Me Sharm
Mahsoos Nahin Karni Chahiye


Agar Aap Me Zyada Haya (shyness) hai Toh
Aap apne Family Member se Kah sakti ho Ya
Aap apne Close Frnd Ke zariye Se paigham
Bhej sakti Ho


Tab Allah Usme Barkat Daal dega....Inshaal lah


Aur Yaad Rakhe Hamara Mazhab Islam Ek
Asaaan Aur suljha hua Aur Peaceful Mazhab
hai.


Isme Koi Zabardasti Nahin Hai..


Islam Confusion Waala mazhab nahin Hai


balke Ek Aasaaan Mazhab hai

Isliye Aisa Koi
Tareeqa Apni Zindagi Aur Apni Society Me
naafez (apply) Na karen Jisme Confusion Ho


Mushkilon Ko Jaanchiye Aur UskO Islamic
tareeqe se Solve Karne Ki Koshish Kariye..


Wallahu Aalam

ZABAAN ME HADDI NAHIN HOTI

Zabaan Me Haddi Nahin Hoti,

Lekin Ye Dil Todhne ke Liye Kaafi Mazboot hai 

Isliye Aap Apne Lafzon Ke Saath Hoshiyaar Rahen.....



ZABAAN SE TAQLEEF PAHUNCHAANE KA
ANJAAM:



Hz abu hurairah (ra) kahte hain ke ek
shakhs ne kaha:-" aiy allah ke rasool !
Falan aurat ke baare me zikr kiya jaata
hai ke wah badi namaz padhne wali,
roza rakhne aur Sadqah karne waali hai,
elawa uske ke wah apni zabaan se apne
padosion ko takleef pahunchaati hai,


aap rasoollullah sallalaho alaihi wasallam
(pbuh) ne farmaya:- "wah jahannami
hai",


us shakhs ne kaha:- aiy allah ke rasool !
Falan aurat ke baare me zikr kiya jaata
hai ke namaz, roza, aur sadqah bahut
kam karti hai aur paneer ka tukda
sadqah me deti hai, lekin apni zabaan se
pados waalon ko taqleef nahi
pahunchaati,


aapne farmaya:-" ye jannat me hai "


(rawah ahmad 2/990, baihaqi)


hz abu hurairah (ra) farmate hain ke
rasoollullah sallalaho alaihi wasallam
(pbuh) ne farmaya:-" ba'khuda wah
momin nahi ho sakta,


poocha gaya, aiy allah ke rasool kaun!,

farmaya :- jiska padosi uski buraayi se
mahfooz na rahe"


(bukhari 7/78, muslim)



hz anas (ra) se marwi hai kahte hain ke
rasoollullah sallalaho alaihi wasallam
(pbuh) ne farmaya:-" wah shakhs jannat
me nahi daakhil hoga jiska padosi uski
buraayi se Mahfooz na ho "


( rawah muslim 68)

SISTERS ALERT

share this info.....with
frnds ............... .


Is ladki ne
fb me photo upload kiya tha,


Kisi ne iska photo sev kar ke
google me iska profile daal ke call girl
ke list me dal diya


ye ladki ache parivar ki bahut
decent ladki thi...


Us ladke ne puri city me pehela diya
ke yeh call girl hai,


Jab yah baat ladki aur iske parivar
ko pata chali to is ladki ke sath pure
parivar ne sucide kar liya...


ye hai facebook ki duniya


(ab batao friends kya iske liye
raasta hai ? Iske bad bhi nahi
sudhrenge)
...


request to all my
sisters pls don't upload Ur
photos on Facebook...

THE TEMPTATION (FITNA)

THE TEMPTATION (FITNA)



Ek Ameer Baap Ki Intehaayi Khoobsoorat Beti
Apni Chachi (Aunty) Ke Ghar Ja rahi Thi Jo
Uske Ghar se Kuch Hi doori Par Tha


Achaanak Shaher Me Fasaad (riot) Barpa ho
gaya


Us ladki ne Aadhi Raasta Muqammal Kar li Thi,


Use Apni Jaan Aur IzZat Par Khatra La'haq Hua


Usne Ird Gird Dekha,


Use Ek Masjid Dikhaayi Di, Wo masjid Me Gayi
Aur Aurton Ki Makhsoos Jagah Me Jaakar
Baith Gayi...


Fasaad (Riot) Der Raat Tak Jaari Raha,


Use
samJh me Nahin aa Raha tha Ke use Kya
Karna Hai..


Us masjid Ka Muta'walli Ek Intehaayi
Naujawaan Ladka Tha Jo taalba (student) Bhi
Tha,


Deir Raat Masjid Me taala (lock) Lagaane Se
Pahle Uski Nigaah Us ladki Par Padi


Woh Ek Nau'jawaan Aur Allah Se Darrne Waala
Ladka tha
Usne Bade Ehteraam Se Us ladki Se kaha Ki


" Agar Wo dono Yahan Paaye Gaye Toh Dono
Ko Be'izzat kiya jaayega Aur Baaher Fenk diya
jaayega"



Us ladki Ne Ilteja (request) Ki ke Aaj Ki Raat
Use Yahin Rahne Diya jaaye Kyonki Baaher
Jaan Aur Izzat ka Khatra Tha,


Is tarah Dono Me ittefaaq Ke saath Ladke Ne
Uski Ilteja Ko Qabool kar liya Aur Dono Masjid
Ke Opposite Hisse Me Padhne Ke Liye chale
Gaye...


Din Ke Waaqeye Ko dekhkar Ladki Ko Neend
NahIn Aa rahi thi


Toh Woh Ladki Us Ladke Ko Dekhne Lagi Jo
Masjid Ke aakhiri Hisse Me Mombatti (candle)
Ki Roshni Me padhaayi Kar raha Tha


Us Ladki Ko Uski Ek Baat Dekhkar Bada Tajjub
hua..


Kyonki Wo Ladka Kabhi Kabhi Apna Haath Us
mombatti Ki Lau Se lagaa Raha tha...


Aur Tab tak lagaaye Rahta Jabtak Uski Quwaat
Jawaab Nahin De jaati...


Phir Wah Padhne Lagta... Phir Kuch der Baad
Aisa hi Amal karta


Is dauraan Subah ka Waqt HO gaya Aur Us
Ladke Ne Azaan Di Aur us ladki Se kaha Ki


"Aap Namaz hone Se pahle Ja sakti ho, Baaher
Ke Haalaat Pahle se Bahtar Hain"


Wo Maan Gayi Aur Usne Us ladke se poocha


" Aap Raat Ko Apna Haath Mombatti Ki lau Se
Kyon laga rahe they ???"


Ladke Ne Kaha-


" Aapko Is baat Se Kya Matlab Ye Mera Kaam
hai"


Ladki Ne jaane Se Mana kar diya Jab Tak Wah
Use Is baat Ka Jawab Nahin de deta..


Ladke Ne Kaha


" Main Ek Naujawaan Hoon Aur Mere Andar
Khwaahishaat ki Quwwat (Sexual Desire) hai,
Ham Dono Akele They Aur Meri Khwaahishaat
Me Izaafa Ho Raha Tha,


Mujhe Darr Tha Ki kahin Shaitaan Ham Dono
Me fitna Na daal De
Lihaaza Jab bhi Main Koi Fitna Mahsoos Karta
Tab Tab Main Apna Haath Mombatti ki Sholon
Me Laga deta Aur Apni Ungaliyan Jalne Par
Main apne Aapse Kahta Ki Ye Aag Jahannum Ki
Aag Ke Muqaable Kuch Bhi Nahi Hai"


Ladki Masjid se baaher Nikli Aur Apne Ghar ki
Tarah Jaane Lagi
Usne Ghar Me Apne Waalidain Se Din Aur Raat
Ke Saare Waaqeyaat Bata diye


Aur Ye bhi
Bataya Wo Kaise Mahfooz rahi...


Usne Apni Maa Se Bataya Ki woh Us Masjid Ke
muta'walli Se shaadi Karna Chaahti Hai...


Usne Raat Ka Waaqeya Apne Waalidain Se
bataya aur Kaha


Sirf Is tarah Ka Aadmi Jiske Dil me Allah Ka
Haqeeqi khauff Ho Wahi aadmi Apni Biwi Ke
liye Durust Ho sakta hai


Sirf Is Tarah Ka Aadmi Jiske Dil Me Allah Ka
Haqeeqi Khauff Ho Wahi Apni Biwi Ke Huqooq
Poore Kar sakta Hai


Is tarah Us Ameer Ladki Ki Shaadi Us Ghareeb
Ladke Se Ho Gayi


Us ladke Ko ye Aijaz Uski shakl O Soorat Ko
dekh kar Nahin Balke Uski seerat Ko Dekh kar
mila


Har Cheez khaak Me Mil Sakti Hain lekin Seerat
(character) hamesha Mazboot rahta Hai


Rutba (honor) Kabhi bhi Acchi Soorat, Kapde
aur Gahne (jewellery) Se Nahin Milta


Balke Dil Paakeezagi ko dekh kar Se Milta hai

  

EK LADKI AUR SHAITAN KI KAHANI

Ek Ladki Aur Shaitan Ki kahani



Uske Niqaab Pahanne ke Baad Usne Kaafi der
tak Aine (mirror ) Dekhne Ke Dauraan Ek
Shaitaani Awaaz uske Kaano Me padi


" Meri Azeez Kuch Cheez ki Kami hai ! Tumhara chehra
Peela Lag raha Raha Hai.......chalo Bhi ! Halqa
sa Makeup Kuch Nuqsaan Nahin
Pahunchaata"


Usne Haath Malte hue Lipstick uthaayi Aur
Kuch der Sochne Lagi...


Kuch Deir Baad Shaitaan ne Dobara Sargoshi
ki


"Laga bhi lo ! Bahut Se Niqaabi Ladkiyan Lagaati
hain , Fir Tum kyon nahin Laga sakti ?"


Usne Aine Me apni Parchhaayi Se kaha


" Lekin Kuch ladkiyan Makeup karti hain, Iska
Matlab Ye nahin Ke ye Sahi Hai..Aisa nahin
hai ?


Bahut Si ladkiyan Niqaab Nahin pahanti..Iska
matlab ye Nahin Ke Main Unki Tarah Niqaab
na Pahnu...??"


Shaitaan Ne dobara Awaaz lagaayi


" Haan ! Lekin tum Makeup Karne se Zyada
Khoobsoorat Dikhogi"


Thodi si Hichkichahat (hesitation) Ke baad..


Usne Lipstick Uthaayi Aur apne Hoton Par
lagaane Lagi


Achanak Wo Ruk Gyi


"Ruko" Usne Apni Parchhaayi Se kaha


"Kya Main Niqab Iskiye nahin Pahanti ke Kisi
Ghair Mard ki Gustaakh Nigaahon Se Mahfooz
Rahoon ??


Makeup Lagaana se Fir Niqaab Pahanne Ka
kya Maqsad "


Kuch Der Khamoshi Rahi,


Ek Baar Phir Shaitaan Ne Awaaz lagaayi


"Meri Azeez ! Tum Make up Apne Liye Karti
Ho , Dusron Ke liye Nahin "


Ladki Ne kaha


" Agar Main Apne Liye Makeup Karti Hoon Toh
Ghar Par Kyon Nahin Karti ??"


Kuch deir Khamoshi Ke baad Shaitaan Ne
Awaaz lagaayi


"Achha accha ! Toh Aap kya Kahna Chaahti
Ho ?!!


Kya Aap mujhe Ye batana Chaahti Ho Ki
Makeup Haram Hai ???


Ladki Ne kaha

"Bilkul nahin !"

"Makeup Haram Nahin hai, Agar Ladki Apna
Makeup Sirf Apne Husband Ke liye Kare Ya Aisi
Jagah Make Up kar sakti hai Jahan Mard aur
Aurat ek Saath (mixing) Na hon"


" Sabse Zyada Zaroori Baat ye Hai ke Ghair
Mard Aapko Makeup Ke saath Na dekh paaye"


Shaitaan ne Awaaz di


"Aapko Aisa kisne Kaha ??!"


Ladki Ne kaha


"Allah ne !! Quran Me Suran Noor Ayah 31 me
kaha hai.......Aur Ab tum Yahan Se chale
jaao !!...........


A’ydhu billahi mina
shaytani rajeem (Main shaitaan Se panaah
chaahti hoon)"


Alhamdulilah! Fir iske Baad Koi Awaaz nahin
Aayi !!


Usne Aine me Dekhkar Muskuraaya Aur
lipstick Neeche Rakh Di


Beshaq ! Main Allah Ki farma'bardaar Bandi
(servant) Hoon Aur Uski Nazar Me
khoobsoorat Hoon


Wo ek Candy Ke Piece Ki tarah Nahin hai jo
Logon Ki Gustaakh Nigaahon Ko Apni Taraf
Ma'el (attaract) Kare


Wo ise Pasand karti Hai kyonki Qudrati Haya
Hi ek Aisi cheez hai Jo usko Khoobsoorat
Banaati hai!!!


"Allah Ke Nek bande Kitne Farma'bardaar Hote
hai"


Room se Nikalne se Pahle Usne Kaha tha......

ATTENTION PLZ

Yaad Rakhiye !!!


Aisa Shakhs Jo kisi Paak Rooh Ladki Ko Shadi Ke liye Pasand Karta hai, Aur Wo Uske Hijaab (Niqab) Ki Tareef Karta hai,

Hamesha Usse Muhabbat Karta Hai Kyonki Wah Special hai Uske Liye Us Jaisi koi Nahin

Lekin

Jo Shakhs Kisi Ladki Ka Chehra aur Uski Khoobsoorti Ko Dekhkar Shadi ke Liye Muntakhab Karta hai،

Wah Deegar Ladkion Me Hamesha Khoobsoorat Chehre Ko Talaash karta hai, Duniya ki Koi Bhi ladki Uske Liye kaafi Nahin Hogi.....

GHAIR MAHRAM AURAT SHAITAN KI SHAKAL ME AATI HAI

***** GAIR MEHRAM AURAT SHAITAN KI SURAT
MEIN AATI HAI *****


Abdullah ibn Masood Radi Allahu Anhu se
rivayat hai ki Rasoollallah Sallallahu Alaihi
Wasallam ne farmaya

"Aye Naujawano ki
jamaat tum mein jise bhi Nikah karne ki
(maali) taqat ho use Nikaah kar Lena chahiye
kyunki ye nazar ko neechi rakhne wala aur
Sharamgaah ki hifazat karne wala amal hai
aur jo nikaah ki taqat na rakhta ho use
chahiye ki roza rakhe kyunki Roza uski
khwahishaat-e-nafsani ko tod dega."


Sahih Bukhari, Vol 6, 5066



Hazrat Jabir Radi Allahu Anhu se rivayat hai ki
Rasoollallah Sallallahu Alaihi Wasallam ne
farmaya


"(Gair mahram) Aurat jab samne aati
hai to shaitan ki surat mein aati hai aur jab
jati hai to Shaitan ki surat mein jati hai phir
jab koi kisi aurat ko dekhe to usko chahiye ki
apni biwi ke pass aaye yani sohbat kare is
amal se uske dil ka khayal jata rahega"


Sahih Muslim, Vol4, 3407

  

HEART TOUCHING STORY

HEART TOUCHING STORY



Ek Ladki Apni Shadi Ke din Par taiyyar ho Rahi thi,

Kuch Ladkiyan Uska Make up kar rahi thin, Ye din Us ladki Ka Be'hadh Khaas Din Tha,


Us Waqt Maghrib ki Namaz ka Waqt Qareeb Tha

" Mujhe Namaz Padhna Hai"..... Us ladki Ne kaha


" Tum Namaz Nahin padh Sakti, Kyonki Tumhara Makeup Kharaab Ho jaayega".......

Us ladki Ko taiyyar karne waali ladkion Ne kaha...


Woh Ladki Uthi aur Wudhu ke Liye jaane Lagi aur Kaha ki

" Mujhe Wudhu ki Zaroorat ki hai Aur mujhe Namaz Padhna hai"

Namaz ke Dauraan Jab ladki ne ' Assalaamu alaikum warahmatullah ' Kaha usKe baad Faristey Ne uski Rooh Kabz kar li.....


Ye us Ladki Ke aakhiri Alfaaz they...


Qayamat Ke roz uska kya Hoga ???

Usko uske Aakhiri Jismani Haalat ke Saath uthaaya Jaayega ...


Apne aap Se poochiye !!!

Kya aap Mauti Chhahte hain ??

Aap Apni Maut kis muqaam par Chaahte ho??

Aur Kaise chaahte ho ?

MAKE UP

" Jo aurtein Apni Zeenat zaahir Na Karen, magar Jo khud ba'khud Zaahir ho jaaye Aur wah Apne dupatte apne Girebaano par daal lein "


( Surah noor ayat 31)