WASEELA

AS SALAM O ALLAIKUM WR WB

Abdullah-Bin-Umar{Ra} se rawayat hai, Rasool-Allah{s} ne farmaya:- Teen(3) Aadmi ja rahe the, itne me barish hone lagi to wo pahad me ek GAAR tha isme ghoos gaye, Pahad par se ek pather gira aur GAAR ke monh par aagaya aur monh band ho gaya, Ek ne dosre se kaha:- apne apne neak Aamaal ka khayal karo jo ALLAH ke liye ho aur DUA maango in Aamaal ke WASILE se shayed Allah-Taala is pather ko khool de tumhare liye,To inme se Ek ne kaha:- Mere MAA-BAAP budhe zayef the aur meri Biwi(wife) aur mere chote chote ladke the, ke main inke waste Bhed, Bakriyan charaya karta tha, to inka Dodh(milk) duhta tha aur sabse pahele apne MAA_BAAP se suru karta tha, to inko apne ladko se pahele pilata tha, albatta ek din mujhko bakriyon ka chara bahut door mila so main ghar na aaya yahan tak ke mujhko aane me shaam ho gai to maine apne MAA-BAAP ko sota hua paya, phir maine doodh(milk) duha jis tarah duha karta tha, phir main doodh(milk) laya aur apne MAA-BAAP ke sar ke pass khada hua, mujhko bura laga ke main inko neend se jagaon aur bura laga ke inse pahele ladko ko pilaon aur ladke bhook ke mare shoor kar rahe the mere dono pairo(legs) ke pass, so issi tarah barabar mera aur inka haal raha subah tak(yani main apne MAA-BAAP ke intejar me doodh liye raat bhar khada raha) aur ladke rote chillate rahe, na maine piya aur na ladko ko pilaya, so Elaahi agar tu janta hai ke aisi Mahnat aur Moshaqat teri razamandi waste maine ki thi to is pather se ek rozan khool de jisse hum aasmaan ko dekhe to Allah-Taala ne isme ek Rozan khool diya aur unhone isme se Aasmaan ko dekha,


Dosre ne kaha:- Elaahi majra ye hai ke mere chacha(yani uncle) ki ek Beti thi, jis se main mohabbat karta tha jis tarah Mard-Aurat karte hain(yani main iska kamaal Ashiq tha) so iski taraf mayel ho kar maine iski zaat ko chaha(yani haraamkhori ka irada kiya) isne na mana aur kaha jab tak 100 Ashrafiya na dega main razi na hungi, maine kosis ki aur 100 Ashrafiya kama kar iske pass laya, Jab main ne iski taang uthai( yani jamaa ke irade se) isne kaha:- Aye Allah ke bande! dar ALLAH se aur mat tood mahar ko magar haq se(yani begair Nikah ke bakarat mat zayel kar) to main uth khada hua iske upper se - Elaahi agar tu janta hai ke ye kaam maine teri razamandi ke liye kiya to ek Rozan aur khool de hamare liye, Allah-Taala ne aur ek Rozan khool diya yani wo Rozan bada ho gaya,


Teesre ne kaha:- Elaahi maine ek saks se mazdoori li, ek Farq chawal par(yani wo bartan jisme 16 ratal aanaj aata hai) jab wo kaam kar chuka isne kaha: mera haq de maine ek Farq bhar chawal iske samne rakhi, isne na liya phir maine in chawalon ko bota raha, isme barkat hui yahan tak ke maine is maal se Gaaye aur Bael(cow & bull) aur inke charane wale gulaam ikhatta kiya, phir wo majdoor mere pass aaya aur kahne laga: Allah se dar aur mera haq mat maar, maine kaha ja aur Gaaye Bael(Cow-Bull) aur iske charane wale sab tu lele---wo bola: Allah Jabbar se dar aur mujhse mazak mat kar, maine kaha main mazak nahi karta, wo Gaaye Bael(Cow-Bull) aur charane wale ko tu lele isne le liya, phir agar tu janta hai ke maine teri razamandi ke liye kiya to jitna baqi hai Rozan wo bhi khool de, Allah-Taala ne isko bhi khool diya aur wo log GAAR se bahar nikal gaye.( *Sahih-Muslim, Hadees-no---6939* / *Sahih-Bukhari, Hadees-no---2333,2215*


Tashrih:- IS hadees se jo baat samne aati hai wo ye hai,


(1) => Sakht mosibat me aur nehayat pareshani me jiski koi tabdir na ho sake to apne khalis Aamaal ko WASILA bana kar Allah se DUA kare Allah isko nijad de.


(2) => MAA-BAAP ka haq apni jaan aur biwi, ladko ke haq me muqaddam hai aur neakiyon me dakhil hai.


(3) => Qadir ho kar gunnah se bachna aur sirf Allah ke Dar-wa-Khauf se shawat ko dabana aur khawash-e-nafs ko mitana bede kamala ki baat hai, aur Allah ko nihayat pasand hai.



(4) => Haq walon ka haq adda karna Raza-e-Elaahi ka umdaa wasila hai.



(5) => Maalik ke ijazat ke bina koi aanaj bo de to iska hasilaat ka maalik asal maalik hi hoga


***1=> allah ke 99 naam hai uske naam ka waseela laga kar usse maango


2=> aap main se jo zinda neak log hain unke paas jaake unse kaho ki mere liye dua karen zinda ka hukum hai murdon ka nahi


3 => apne koi neak aamal ka waseela lagao......jaise ke deen main jo tumne paisa kharach kiya hai ya aur koi nek amal


Note:-Aur Murdon ka wasila Quraan aur Hadees se kahin bhi sabit nahi hai, agar hai to iski Sahih-Dalil de hum manne ke liye taiyar hain

Hz umar bin khattab (ra) se riwayat hai jab jab log kahat(drought) me mubtala ho jaate they, to hz abbas bin abdul muttalib ke tufail se baarish talab karte they aur kahte they, " aiy illahi! Ham tere paas apne nabi ka wasila laate they, to tu hamen baarish deta tha, ab tere paas apne nabi ke chacha(uncle) ka waseela laate hain, ham ko baarish ata farma, logon ke liye baarish ho jaati thi"


(sahih bukhari v2 book 17 hadith no 123)

WASEELE KA MATLAB AUR DUA-E-WASEELA

Bismillahirrahmanirraheem


Wasila ke matlab aisi chiz ke hain jo kisi maqsood ke hansil karne ya iska “Qurb” ka zarya ho-

“ Allah-Taala ki taraf Wasila talaash karo”

ka matlab hoga aise Aamal ikhtiyaar karo jis se tumhe Allah ki raza aur iski “Qurb” hansil ho jaye,

Imaam-Shokani(r.a) farmate hain-Wasila jo Qurbat ka maane(yani meaning) hai, Taqwa aur hansil kiye hue Aamal khair par sadiq aata hai,jin ke zarye se bande apne Rab ka “Qurb(yani wasila)” hansil karta hai,

issi tarah jin chizon se roka gaya ho in kaamo se bachne se bhi Allah ka “Qurab” hansil hota hai,isliye jin chizon se roka gaya ho isse na karna bhi “Qurb-e-Elaahi” ka wasila hai,

lekin Jahilon ne is haqiqi Wasile ko chod kar Qabar me madfun(yani dafan kiye hue) logon ko apna “Wasila” samjh liya hai, jis ki sharyat me koi bunyaad nahi hai, Balke “Hadees” me is “Moqaam-e-mahmood” ko bhi wasila kaha gaya hai jo akhirat me “Nabi{sall’Allaahu ta’aalaa alaihi wa’sallam}” ko aata farmaya jayega, issi liye “Aap{sall’Allaahu ta’aalaa alaihi wa’sallam}” ne farmaya:- jo Aazan ke baad mere liye ye “Dua-e-wasila” karega wo meri shifaat ka mustahiq hoga, “Dua-e-wasila” jo Aazan ke baad padhna masnun hai.

(Ahsanul-Biyaan, Page-no—302)


Sahih-Muslim me Hazrat-Abdullah-Bin-Ummar-Bin-Aas(r.t.a) ki riyawat hai ke unhone

“Nabi-Karim{sall’Allaahu ta’aalaa alaihi wa’sallam}” ko ye irshad farmate hue suna ke:- Jab tum “Muzzin” ko Aazan dete sono to issi tarah se kaho jis tarah wo kahta hai, phir mujh par darood bhejo jisne mujh par ek bar darood padha Allah-Taala is par “10” bar rahmat nazil farmaye ga, phir mere liye” Wasile” ki dua karo, “Wasila” Jannat ka wa Aazim-o-shaan muqaam hai,jo “Bandagan-e-Elaahi” me se sirf ek hi ko nasib hoga aur mujhe umeed haike wo banda main hunga, lihaza jisne mere liye “Wasile” ki dua ki to iske liye meri Sifaat wajib ho jayegi.

(Sahih-Muslim, Hadees-no---384)


Wasila jannat ke sabse Buland-wa-Bala aur Arfaa-wa-Aala darje ka naam bhi hai, aur jo “Rasool-Allah{sall’Allaahu ta’aalaa alaihi wa’sallam}” ka darjah aur “Aap{sall’Allaahu ta’aalaa alaihi wa’sallam}” ka jannat me ghar hoga aur jannat ka ye muqaam Allah-Taala ke Aarsh ke sabse qareeb hoga…Sahih-Bukhari me Hazrat-Jabir-Bin-Abdullah(r.t.a) ki riwayat hai ke “Rasool-Allah{sall’Allaahu ta’aalaa alaihi wa’sallam}” ne farmaya:- jo shaks Aazan soon kar ye dua padhe……..Tarjuma:- [ Aye Allah!Jo tu is puri puri Dawat-e-Tauheed aurqaayam hone wali Namaaz ka maalik hai, “Hazrat-Mohammad{sall’Allaahu ta’aalaa alaihi wa’sallam}” ko Wasila aur Fazilat aata farma aur Aapkois Qabil-e-Tauheed muqaam(shifaat) tak pahuncha jiska tune inse waada farma rakha hai,] iske liye Qayamat ke din meri Shifaat wajib ho jayegi.( *Sahih-Bukhari, Kitabul-aazan, Hadees-no---614*/*Sanan-Nisai, Kitabul-Aazan, Hadees-no---681*)

Surah-Tul-Mayedah ki Aayat-no 35 ki puri tafsir ke liye dekhe.

( Tafsir-ibn-Kathir, Surah-Al-Mayedah, Aayat-no,35 , Page-no. 333,335)

MURDON KA WASEELA JAYEZ YA NAJAYEZ

Continues


“Quraan aur Hadees” ki dalil se ye baat sabit ho rahi hai ke Quraan-Majid jo Qurb(yani wasila) talaash karne ka hukum deta hai wo“Emaan aur Neek” aamal ka wasila hai, jo qayamat ke roz “Rasool-Ikraam{sall’Allaahu ta’aalaa alaihi wa’sallam}” si sifaat aur bila-aakhir nijat ka zarya banega.


Allah-Taala ne apne momin bando ko ye hukum diya ke wo iske taqwa ko ikhtiyaar kare, Taqwa ko jab Etaat-E-Elaahi ke sath mila liya jaye to phir iska matlab ye hota hai ke in tamaam kamo ko nahi kiya jaye jinse Allah-Taala ne manaa kiya aur jinhe isne haraam qarar diya hai aur uske baad farmaya:-

(wabtagooo’ilayhil-waseelata

aur iske “Qurb(yani wasila)” talaash karte raho-

Surah-Tul-Mayedah ki Aayat-no—35 ki puri tafsir ke liye dekhe

(Tafseer-ibne-kaseer)


Wasila ka Matlab(meaning) kya hota hai.?


Imaam-Sufyaan-Sori(r.a) farmate hain ke mujhe mere walid(father) ne, unhone Talhah(r.a) se, unhone Ataa(r.a) se rawayat biyaan ki hai ke Wasila ke matlab “Qurbat” hai.

(Tabsir-Tibriyai: 308/6)


Mojahid, Abu-Wail, Hazrat-Hussan, Abdullah-Bin-Kaseer, Imam-Siddi, Ibne-Zayed aur kai “Aaimah-e-Tafseer” ka bhi yahi qauool hai ke wasila ke matlab hi “Qurbat” hain, yani Allah-Taala ki Etaat aur iski pasandidah aamalon ke zarya se “Qurb(yani wasila)” hansil karna.

(Tafsir-Tibriyai: 308,309/6)

Hafiz-Ibne-Kaseer(r.a) farmate hain:- In “Aaimah-e-Tafseer” ne jo kuch kaha hai iske bare me Mofasareen ke darmiyaan koi ikhtilaaf nahi hai, “Qurb(yani wasila)” aise hi chiz ko kahte hain jiske zarya se Maqsood tak pahun sake,

(Tahseel-e-Maqsood, Tafseer-Surah-Tul-Mayedah, Jilad-no---03, Safa-no---97* )


Imaam-Qataadah farmate hain “Qurb(yani wasila)” ke maane(yani meaning) ye hain ke Allah-Taala ki Etaat baja kar aur Allah-Taala ke khushnodi ke aamal ko sar-anjaam de kar iska “Qurb (yani wasila)” hansil karo.


(Tafseer-Tibriyai: 309/6)

Ibne-Zayed ne iski tayed me is Aayat-e-karima ko padha:

Tarjoma:-Ye log jinko Allah ke siwa pukarte hain, wo khud apne Parwardigar ke yahan zarya(Qurb) talaash karte rahte hain….

(Surah-tul-baniisrail, aayat-no---57)

( *Tafseer-Tibriyai: 309/6*)


Zahir baat hai ke Allah ka “Qurb” hansil karne ka wahid zarya “Amaal-e-Saalah” hai, isliye “Amaal-e-Saalah” hi Allah tak pahunchne ka wasila hain, naa ke wo jise “Qabar-Parast” biyaan karte hain ke Faut-Shodah(yani death kiye hue) logon ke naam ki “NAZRO-NYAAZ” do inke Qabar par gilaaf(yani chadar) chadao aur mela-thela jamao aurinse Dua karo….kyon ke ye “Qurb(yani wasila)” nahi inki ibaadat hai jo Shirk hai,


Allah-Taala har musalman ko isse mahfooz rakhe….Aamin ya Rabul-Aalamin.

MURDON KA WASEELA JAYEZ YA NAJAYEZ

Bismillahirrahmanirraheem


Quraan-Majid me Allah-Taala ne musalmano ko nijad ke liye “Qurb(yani wasila)” pakadne ka hukum diya.


Yaaa’ayyuhal-lazeena’aamanut-taqul-laaha wabtagooo’ilayhil-waseelata wa jaahidoo fee sabeelihee la ‘allakum tuflihoon.

Tarjuma:- Aye logon jo Emaan laye ho! Allah se daro aur uski taraf “Qurb(yani wasila)” talaash karo aur uski raah me “Jihaad” karo umeed hai tum kamyaab ho jaoge.

(maidah,35)


Is Aayat-E-Karima me Allah-Taala ne nijaat ke liye “3” baton ka hukum diya hai.

(1)Taqwa Ikhtiyaar karna

(2)Qurb(yani wasila) talaash karna

(3)Allah ki raah me jihad karna.

Taqwa aur Jihaad me koi ikhtilaaf nahi hain balke “ Qurb(wasila)” ke bare me logon ne ikhtilaaf kiya hain, Kuch log kahte hain yahan “Qurb(wasila)” se muraad “Aambiya, Auliya, Sulhah, Shohada aur murde Buzrugan-e-deen ect. Ka “Qurb(wasila)” hai, Main aplog ko batana chahunga ke Quraan- Majid ki Aayat-E-Mubarak me jis “Qurb(yani wasila)” ko talaash karne ka hokum diya gaya hai, Isse muraad


“ Qurb(wasila)” ke bare me logon ne ikhtilaaf kiya hain, Kuch log kahte hain yahan “Qurb(wasila)” se muraad “Aambiya, Auliya, Sulhah, Shohada aur murde Buzrugan-e-deen ect. Ka “Qurb(wasila)” hai, Main aplog ko batana chahunga ke Quraan- Majid ki Aayat-E-Mubarak me jis “Qurb(yani wasila)” ko talaash karne ka hokum diya gaya hai, Isse muraad “Gair-Hazir ya Inteqaal(death) kiye hue “Ambiya, Auliya, Shohada ect. To hargiz nahi hai.

Ab hum “Quraan aur Hadees” ki roshni me ye batana chhate hain ke “Qurb(yani wasila)” se muraad(matlab) kiya hai.

Irshad-e-bari-taala hai:-

Wallazeena’aamano wa ‘amilus-saalihaati’ulaaa’ika’Ashaabun-Na ari hum feehaa khaalidoon

Tarjuma:- Aur jo log Emaan laye aur neek kaam kare wo Jannati hain jo Jannat me hamesha rahenge.

(Surah-Tul-Baqrah, Aayat-no---82)

(2)’Innal-lazeena ‘aamanoo wa’amilus-saalihaati wa’akhbatoo’ilaa Rabbihim’ulaaa’ika’Ashaabul- jannati hum’feehaa khaalidoon.



Tarjuma:- Yaqinan jo log Emaan laye aur unhone kaam bhi neek kiye aur apne palne wale ki taraf jhokte rahe wahi Jannat me jane wale hain, jahan wo hamesha hi rahne wale hain.

(Hood, Aayat-no---23 * )

(3)’Innal-lazeena ‘aamanoo wa’amilus-saalihaati kaanat lahum jannaatul-Firdawsi nuzulaa.

Tarjuma:- Jo log Emaan laye aur unhone kaam bhi Achhe kiye yaqinan inke liye jannat-al-firdaus ke bagaat ki mahmaani hai.

(Surah-Tul-Kahaf,107)

(4)Fallazeena’aamanoo wa ‘amilus-saalihaati lahum maghfiratun wa rizqun kareem.

Tarjuma:- Pas jo log Emaan laye hain aur jinhon ne neek aamal kiye hain inhi ke liye Bakhshish hai aur izzat wali rozi.

(Surah-Tul-Hajj,50)

(5) ’Innal-lazeena ‘aamanoo wa’amilus-saalihaati lahum jannaatun-Na’eem.

Tarjuma:- Beshak jin logon ne Emaan qabul kiya aur kaam bhi neek (yani Sunnat ke mutabiq) kiye inke liye niyamat wali Jannaten hai

(Surah-Tul-Luqmaan, Aayat-no 08)


Quraan-Majid ki aisi bahut sari Aayat hainjin me Dakhul-Jannat ke liye sirf do hi chiz ka zikar hame milta hai.

(1) Emaan

(2) Aamal-Salah

Jis se maloom hota hai ke yahi wo “Qurb(yani wasila)” hai jisse Allah-Taala ne talaash karne ka hukum diya, Aaye ab hum Hadees ki roshnime dekhte hain “Qurb(yani wasila)” ke bare me,


(1) Hazrat-Abi-Ayub-Ansari(r.t.a) se riwayat hai ke “Rasool-Allah{sall’Allaahu ta’aalaa alaihi wa’sallam}” safar mejarahe the, itne me ek Dihati-Aadmi aayaaur aage aakar “aap{sall’Allaahu ta’aalaa alaihi wa’sallam}” ki ount(camel) ki rassi(rope) ya nakil pakad kar kaha: ya “Rasool-Allah{sall’Allaahu ta’aalaa alaihi wa’sallam}” mujhe wo baat bataye jo mujhe Jannat ke qarib aur Jahannam se door kar de,” “Aap{sall’Allaahu ta’aalaa alaihi wa’sallam}” ne irshad farmaya: Allahki Ibadat kar aur kisi ko iska shareek na bana, Namaaz qayamkar, Zakaat de aur Rishtadari ko mila( yani Aazizon, Rishtadaron ke sath husan-e-suluq kar agar wo burai kare ya mulaqaat turk kare to tu neeki kar aur inse milta rah.

(Sahih-Muslim, Hadees-no-103/Sahih-Bukhari,Hadees no1396, 5983/Nisai, Hadees-no---367 )


(2) Hazrat-Abu-Hurera(r.t.a) se riwayat hai ke ek Dihati-Aadmi “Aap{sall’Allaahu ta’aalaa alaihi wa’sallam}” ke pass aakar kahne laga ya “Rasool-Allah{sall’Allaahu ta’aalaa alaihi wa’sallam}”mujhko bataye koi aisa kaam jisse karne se main Jannat me chala jao?“Aap{sall’Allaahu ta’aalaa alaihi wa’sallam}” ne farmaya:- wo kaam yehai Ibadat kar tu Allah ki aur uske sath kisi ko Shareek na kare aur qaayam kar tu Namaaz ko aur de Zakaat jo farz hai aur Ramzaan ke Roza rakhe-“ wo shaks bola qasam uski jiske hanth me meri jaan hai, main is se ziyada karonga na is se kam, tab wo pith pher kar chala gaya-“Aap{sall’Allaahuta’aalaa alaihi wa’sallam}” ne farmaya:- jis se pasand ho ke Jannati ko dekhe to isko dekhle.

( *Sahih-Bukhari, Hadees-no---1397*/*Sahih-Muslim, Hadees-no---107)

WASEELA KI HAQEEQAT

Bismillahirrahmanirraheem



1-Kuch Log Kehte Hain Waseela Zaruri Hai,Kuch Kehte Hain Waseela Zaruri Nahi Hai…..


Waseelay Ka Inkaar Hum Nai Kr Skte Kyun K Waseelay Ka Zikr Quran Me 2 Baar Aya Hai.

Allah Farmate Hain K Allah Ki Taraf Waseela Talash Karo


1) Quran 5:35
Ae Eemaan Walo!Khdua Se Darte Raho Aur Us Ka Qurb Hasil Karne Ka Zariya Talash Karte Raho Aur Us Ke Raste Main Jahaad Karo Taa-Ake Dastgaari Paao.

2) Quran 17:57

"Yeh Log Jin Ko Khuda Ke Siwa Pukaarte Hain Wo Khud Apne Parwardigaar Ke Haan Zariya-E-Taqqar ab Talash Karte Rehete Hain Ke Koun Un Main Khuda Ka Ziada Muqqrab Hota Hai Aur Us Ki Rehmat Ke Umeedwar Rehte Hain Aur Us Ke Azaab Se Khof Rakhte Hain.Be Shak Tumhare Parwardigar Ka Azaab Darne Ki Cheez Hai."


Inn Do Ayaat Se Ye Baat Crystal Clear Hai K Waseela Jaiz Hai………


Ab Kuch Log Kehte Hain K Waseela Zinda Logo Ka Hota Hai Lekin Phr Quran Ki Ayaat Hum Se Keh Rahi Hain K Shaheed To Zinda Hote Hain: )

Quran 2:154

"AUR JOH LOG KHUDA KI RAAH MAIN MARE JAAYEN UN KI NISBAT YEH NA KEHNA KE WOH MARE HUE HAIN WOH MURDA NAHI BALKE ZINDAA HAIN LEKIN TUM NAHI JAANTE. "

Quran 3:169


Joh Loug Khuda Ki Raah Main Maare Gaye Un Ko Mare Hue Na Samjhna Who Mare Hue Nahi Hain Balke Khuda Ke Nazdeek Zinda Hain Aur Un Ko Rizq Mill Raha Hai."


Ab Ye Baat Bhi Prove Ho Gae Inn Do Ayaat Se K Jo Allah Ki Rah Me Maare Jaen Unhe Murda Na Kaho Wo Zinda Hain……..


Lekin Yahan Pe Ek Baat Clear Krna Zaruri Hai K Jo Log Bhi Shaheed Hue Hain Wo Qabro Me Ja Chukay Hain.


Ab Hamein Quran Ki Ayaat Se Decide Krna Hai K Hamein Waseela Kin Ko Bnana Hai Apne Amaal Ko, Zinda Zahir Logo Ko Ya Phr Jo Qabro Me Ja Chukay Hain Un Ko.


Note: Shaheed Bhi Zinda Hai Or Dunya Me Rehne Wale Bhi Zinda Hain Fark Itna Hai K Ek Qabar Me Hai Or Ek Nai.


Lets C What Quran Says:

1))) Hazrat Moosa(A.S) Ne Allah Se Kaha K Hazrat Haroon(A.S) Ko Mera Wazir(Madad Gaar) Bnaen:

Quran 20:29-30

Aur Mere Ghar Waloun Main Se Aik Ko Mera Wazeer Yaani Madadgaar Muqarrar Farma.

30

Yaani Mere Bhai Haroon Ko.

Us Waqt Hazrat Haroon(A.S) Qabar Me Nai Ja Chukay Thay.


2))) Hazrat Suleman(A.S) Ne Apne Samne Bethe Hue Jin Or Insaan Thay Un Se Kaha K Kon Takht Lane Me Meri Madad Kare Ga:

Quran 27:38-41

"Sulaimaan Ne Kaha Ke Ae Darbaar Walo! Koi Tum Main Se Aisa Hai Ke Qabal Is Ke Keh Wo Loug Farmaabardaar Ho Kar Hamare Paas Aayen Malka Ka Takhat Mere Paas Le Aaye."

39

"Jinnat Main Se Aik Qawi Haikal Jinn Ne Kaha Ke QabalIs Ke Keh Ap Apni Jaga Se Uthain Main Is Ko Aap Ke Paas La Hazir Karta Hoon Aur Mujhe Is Par Qudrat Bhi Haasil Hai Aur Amanat Daar Bhi Hoon."

40

"Aik Shakhs Jis Ko Kitaab-E-Ilaahi Ka Ilm Tha Kehne Laga Ke Main Aap Ki Aankh Ke Jhapakne Se Pehle Pehle Isse Ap Ke Paas Haazir Kiye Deta Hoon.Jab Sulaiman A.S. Ne Takhat Ko Apne Paas Rakha Hua Daikha Toh Kaha Ke Ye Mere Parwardigar Ka Fazal Hai Taa-Ake Mujhe Aazmaaye Ke Main Shukar Karta Hoon Ya Kufraan-E-Naima t Karta Hoon Aur Joh Shukar Karta Hai Toh Apne Hi Faaide Ke Liye Shukar Karta Hai Aur Joh Nashukri Karta Hai Toh MeraParwardigar Be Parwa Aur Karam Karne Wala Hai."

41

"Sulaimaan Ne Kaha Ke MalkaKe Imtihaan-E-Aqaa l Ke Liye Is Ke Takhat Ki Soorat Badal Do.Daikhain Ke Wo Soojh Boojh Rakhti Hai Ya Un Lougon Main Se Hai Joh Soojh Nahi Rakhte."

Us Waqt Wo Shaks Qabar Me NaiJa Chuka Tha Jis Se Hazrat Suleman(A.S) Ne Madad Maangi.


3))) Allah Momino Ko Hukum De Rahe Hain K Neki K Kaamo Me EkDusre Ki Madad Kiya Karo:

Quran 5:22

"Naiki Aur Parhaizgai Ke Kamon Main Aik Doosre Ki Madad(Help) Kia Karo Aur Gunnah Aur Zulm Ki Batoun Main Madad Na Kia Karo Aur Khdua Se Darte Raho.Kuch Shak Nahi Ki Khuda Ka AzaabSakht Ha Yahan Un Momino Se Khitaab Nai Ho Raha Hai Jo Qabar Me Ja Chukay Hain."


4))) Hazrat Ibrahim(A.S) Ne Khana.E.Kaaba Ki Tameer Ko Waseela Bnaya:

Quran 2:128


"AE PARWARDIGAAR, HAM KO APNA FARMAANBARDAAR BANAYE RAKHIYO.AUR HAMARI AULAAD MAIN SE BHI AIK GIROH(GROUP) KO APNA MATEE BANATE REHIYO, AUR PARWARDIGAAR HAMAIN HAMARE TAREEQA-E-IBADA T BATA AUR HAMARE HAAL PAR REHEM KE SATH TAWAJOH(ATTENTI ON) FARMA. BESHAK TU TAWAJOH FARMANE WALA MEHERBAAN HAIYahan Hazrat Ibrahim(A.S) Ne Achay Amal Ko Waseela Bnaya"

5))) Hazrat Moosa(A.S) Ne Apni Qoum Ko Sikhaya K Allah Par Yakeen Ko Waseela Bnao:

Quran 10:86

"Aur Apni Rehmat Se Qoum-E-Kuffar Se Nijaat Bakhash."

Yahan Par Emaan Ko Waseela Bnaya Gya.

6))) Hazrat Yousuf(A.S) K Bhaiyon Ne Apne Walid Ki Dua Ko Waseela Bnaya:

Quran 12:98

"Unhoun Ne Kaha Ke Main Apne Parwardigaar Se Tumhare Liye Bakhshish Maangoon Ga.Be Shak Wo Bakhashne Wala MeherbaanHai."

Us Waqt Un K Walid Qabar Me Nai Ja Chukay Thay.

Inn Sari Ayaat K Baad Ek Bht Hi Simple Si Example Dun Ga Jo K Hum Sab Daily Routine Me Observe Krte Hain:


Hum Jab Bhi Bemar Hote Hain To Doctor K Paas Jate Hain Or UsKo Waseela Bnate Hain Shifa K Liye Lekin Jab Wo Doctor Qabar Me Chala Jata Hai To Kbhi Bhi Us Ki Qabar Pe Ja K Us Ko Waseela Nai Bnate.


Jo Shaheed Qabar Me Ja Chukay Hain Wo Beshak Zinda Hain Lekin Allah K Paas:

Quran 3:169

"Joh Loug Khuda Ki Raah Main Maare Gaye Un Ko Mare Hue Na Samjhna Who Mare Hue Nahi Hain Balke Khuda Ke Nazdeek Zinda Hain Aur Un Ko Rizq Mill Raha Hai."

Qayamat K Din Wo Apni Qabro Se Dubara Uthaye Jaen Gai:

Quran 80:21

"Phir Us Ko Mout Di Phir Qabar Main Dafan Karaya."

Qruan 22:77

"Aur Ye Ke Qiamat Aane Wali Hai.Is Main Kuch Shak Nahi.Aur Ye Ke Khuda Sab Lougon Ko Joh Qabroun MainHain Jala Uthaye Ga."

23:16

"Phir Qiamat Ke Din Utha Khare Kiye Jao Ge"


Note: “”Qayamat K Din”"
Iss K Baad Ek Bht Hi Payari Ayat Allah Ne Naazil Ki Or Wo Hai:

Note:

"“”Qayamat Tak”"Wo Hamari Pukaar Nai Sun Skte Lekin Jab Qayamat K Din Sunen Gai To Hamare Dushman Ho Jaen Gai."

Ye Ayat Pat’thar K Devi,Devta(Idol s) K Liye Nai Hai Kyun K Qayamat K Din Wo Zinda Nai Hon Gai Wo To Be.Jaan Hain.

Umeed Krta Hun K Waseelay Se Related Jinho Ne Ye Note Parha Hoga Un Ko Samajh Me Aya Ho Ga.

JAYEZ AUR NA'JAYEZ WASEELA:

Bismillahirrahmanirraheem


JAYEZ AUR NA'JAYEZ WASEELA:



Mere pyaare bhaiyyon ! Hamare nabi e akram sallalaho alaihi wasallam ko ek aisi Qaum ki taraf mab'oos kiya gaya tha, jo is baat ka aitraaf karti thi ke Allah taala hi paida karne waala hai, wahi tamam umoor ki tadbeer karne waala hai,

wahi rizq dene wala hai, nafa wa nuqsaan usi ke huqm se hota hai aur wahi duaon ko qubool karne waala aur balaaon ko taalne waala hai,


Lekin iske saath hi wah log ye Aqeeda bhi rakhte they ke Awliya aur saaliheen Jo is duniya se kooch kar chuke hain ya Farishte aur dusri Ghair maujood makhlookaat ko ghaib (unseen) ka ilm hota hai,

aur jab koi unhe zarooraton ko poora karne aur museebaton ko door karne ke liye pukaarta hai toh wah uski duaaon ko sunte hain aur poora karte hain


halaanke allah taala ka irshad hai

" kah dijiye ke Aasmano aur zameen waalon me se siwaaye Allah ke koi ghaib nahin jaanta"

(surah na Mal ayat 60)


isi tarah jinno, jaadugaron, kaahino aur deegar shobda'bazon ko bhi ghaib ka koi ilm nahin hota,

chaahe wah Ghaib'daani ka kitna hi daawa karen,

Allah taala ne nabi e akram sallalaho alaihi wasallam ko apna nabi bana kar bheja taake wah logon ke saamne ye baat waazeh kar den ke Awliya wa saaliheen se dua karna Shirk hai aur wah apni Qabron me us shakhs ki pukaar nahin sun sakte jo unhe pukaarta hai,

Yahi baat allah taala ne Surah fatir ki darj zeil 2 ayaton me irshad farmayi hai


" jinhe tum uske siwa pukaarte ho wah toh khajoor ki guthli ke chhilke ke bhi malik nahin hain, agar tum unhe pukaaro toh wah tumhari pukaar sunte hi nahin aur agar (bil'farz) sun bhi len toh wah fariyaad'rasi nahin kar sakte, balke qayamat ke din tumhare is Shirk ka saaf inkaar kar denge, aapko koi bhi allah taala jaisa khabardaar khabrein na dega"

(surah fatir 13,14)


ye aayat kareema saraahat ke saath is Baat ko waazeh kar deti hain ke Murde nahin sunte,

Khaas taur se wah log jinhe allah taala ko chhod kar pukaara jaaye,

aur agar bil'farz ye baat maan bhi li jaaye (agarche ye na'mumkin hai) ke wah unhi pukaarne waali ki pukaar sun lenge toh wah us dua ko Qubool nahin kar sakte aur jawab bhi nahin de sakte, kyonke wah murde hain


gujashta ayat is baat ki daleel hai, isi tarah allah taala ka irshad hai


" aap unlogon ko nahin suna sakte jo Qabron me hain"

(surah fatir 22)


Lekin arabon ka haal ye tha ke wah un murdon se  shafa'at (shifaarish) talab karte they aur unki jaah wa manzilat ko waasta (waseela) banate they,


Allah taala ne Quraan kareem me unka ye qaul zikr kiya


" Ye allah ye yahan hamare Shifaarishi hain"


(surah younus 18)


Lekin allah taala ne murdon se maangi hui unki dua ko Qubooliyat nahin bakshi, jabke wah murde Awliya aur saaleh log they,


Jaise " Laat" jo apni zindagi me Haajiyon ko sattu khilaaya karta tha

kyonke haqeeqat ye hai ke mudah logon, jinno aur farishton wagerah ko sirf pukaarna hi allah ke saath Shirk shumaar kiya jaata hai, jo tamam nek amaal ko zaaye wa barbaad kar deta hai,

agarche pukaarne waale is baat ka aitraaf karte hon ke is duniya ka paida karne waala allah hi hai aur usi ki haath me tamam umoor ki baag'dor hai, jinme se ek pukaarne waale ki pukaar ko sunna aur dua Qubool karna bhi hai,


magar unka ye aitraaf unhe koi faayeda nahin pahuncha sakta kyonke haqeeqat me unhone  Ibaadat ki baaz qismon ko Ghair allah ki taraf pher diya aur ibaadat ki qismon me Dua, nazar o niyaaz, zibah, faryaad wagerah shamil hain,


Chunanche aise logon ke khilaaf nabi e akram sallalaho alaihi wasallam aur aapke sahaba kiram (ra) ne Talwaar ka istemal kiya aur unse Jungen bhi ladi aur sirf allah ko khaaliq wa raaziq maanne aur usi ke maut wa hayaat ka maalik hone ka Aitraaf karne se unhe koi faayeda nahin pahuncha aur na hi unki ye daleel kaam aayi


" ye (awliya) allah ke nazdeek hamare shifaarishi hain"


isliye allah ne Quraan kareem me huqm bheja ke Taqleef door karne ya aaraam wa raahat haasil karne ke liye sirf allah hi ko pukaara jaaye kisi murda ko nahin,


Chunanche quraan paak me irshad hai


" tumhare rabb ka farman hai ke mujh se dua karo main tumhari dua  ko qubool karoonga, yaqinan jo log meri ibaadat se khud'siri karte hain wah anqareeb (bahut jald) zaleel hokar jahannum me daakhil honge"


(surah momin ayat 60)


is aayat me allah taala ne  Dua ko ibaadat ka naam diya hai aur nabi e akram sallalaho alaihi wasallam ne bhi farmaya hai ke

" dua hi asal ibaadat hai"


aapne mazeed farmaya

" jo allah se dua nahin karta allah uspar ghazab'naak hota hai"


(sahih ul jame, ibn majah)


allah taala ka irshad hai


" jab mere bande mere baare me aapse  Sawaal karen toh aap kah den ke main bahut hi qareeb hoon, har pukaarne waale ki pukaat ko jab bhi wah mujhe pukaare, Qubool karta hoon, isliye logon ko bhi chahiye ke wah meri baat maan liya karen aur mujh par imaan rakhen, taake nek raasta paayen "

(surah baqarah ayat 186)


Mere bhai ! Allah taala aapko har khair aur bhalaayi ki taufeeq de, aap un masjidon ki ziyaarat se bachen jinme Awliya allah wa saaliheen ki Qabren hon, kyonke nabi e akram sallalaho alaihi wasallam ka irshad hai

" Allah taala ne  yahoodi aur nasraani par laanat farmaayi hai kyonke unhone apne nabion ki qabron ko masaajid (sajda gaah) bana liya"


(bukhari wa muslim)


is hadith se maalum hua ke yahoodi wa nasraani par allah taala ne is wajah se laanat farmaayi ke wah apne Ambiya ki qabron ke paas jaakar namaz padhte they,

Toh phir un logon ka kya haal hoga jo Qabron ke ooper hi masjiden bana lete hain jinme din wa raat me 5 Martaba namaz padhi jaati hai,

be'shaq inme namaz padhna ghalat hai, kyonke Allah ki laanat ki wajah se Wah ibaadat faasiq hi Qarar paayegi.....



EK SHAQ AUR USKA JAWAAB



Kuch log kahte hain ke

" nabi e akram sallalaho alaihi wasallam khud apni masjid me madfoon hain"


halaanke ye baat bilkut ghalat hai,

kyonke dar'haqeeqat nabi e akram sallalaho alaihi wasallam hz aisha (ra) ke hujre me madfoon hain aur wah hujrah aapka ghar tha jo us zamaane me masjid se bilkul alag tha...

Phir kya ye baat kisi tarah bhi maqool ho sakti hai ke wah jis hujre me nabi e akram sallalaho alaihi wasallam apni biwi hz aisha (ra) ke saath sote they aur az'dawaji talluq qaayem karte they, kya wah masjid me shumaar ho sakta hai ????

Yaqeenan ye baat shari'atan jayez nahin hai!!!


Sahi baat toh ye hai ke nabi e akram sallalaho alaihi wasallam apne ghar me madfoon hain aur aapka ghar masjid ka hissa nahin hai..

Sahaba kiram (ra) jab kisi shakhs ko dekhte they ki wah hujrah nabawi ke paas jaakar dua kar raha hai toh use wahan se hata dete they,

nabi e akram sallalaho alaihi wasallam jab tak zinda they log aapse baarish ke liye dua karaate they,

magar jab aapki wafaat ho gayi toh sahaba kiram (ra) iske liye aapki qabr ke paas nahin gaye, balke aapke chacha hz abbas (ra) se baarish ke liye dua karaaayi jo zindah they..

Is us waqt hua jabke baarish rukne ki wajah se log khushk'haali ka shikaar hone lage they (jaisa ke sahih bukhari me mazkoor hai)

chunanche allah taala ne unki dua ko qubaao farmaya aur baarish hui.....


Quraan paak me saraahat se ye baat aayi hai ke museebat  me madad karne aur taqleefon ko door karne ke liye allah ke siwa jisko bhi pukaara jaayega wah hargiz uski pukaar par koi madad na de sakega...

Allah taala ka irshad hai

"usi ko pukaarna bar'haq hai, jo log uske siwa dusron ko pukaarte Hain wah unki pukaar ka kuch bhi jawab nahin dete "

(surah raad 14)


phir isi surah me saraahat ke saath ye bhi mazkoor hai ke allah ko chhod kar jin Awliya ko pukaara jaata hai wah khud apne liye bhi kisi nafa wa nuqsan ka ikhteyaar nahin rakhte,

phir aakhir dusron ke liye wah kis tarah kuch kar sakte hain ???

Chunanche irshad rabbani hai

" aap poochiye ke aasmano aur zameen ka parwardigaar kaun hai ? Kah dijiye ki khuda ko chhod kar tum aise logon ko kyon kaarsaaz bana rahe ho jo khud apne liye bhi nafa wa nuqsaan ka akhtiyaar nahin rakhte?"

(surah raad ayat 16)


surah nahal me allah taala farmata hai


" jin logon ko ye log allah ke siwa pukaarte hain wah kisi cheez ko paida nahin kar sakte, balke wah khud paida kiye gaye hain, wah murde hain zinda nahin, unhe toh ye bhi sha'oor nahin ke kab uthaaye jaayenge"

(surah nahal 20-21)


Allah taala ne khud apne nabi e akram sallalaho alaihi wasallam Se bhi ilm ghaib ki nafi ki hai, siwaaye uske jo aapko wahiy ke zariye diya gaya ho.

Chunanche surah araaf ke aakhir me allah taala ne apne nabi e akram sallalaho alaihi wasallam ko saraahat se ye baat kahne ka huqm diya hai


" Agar main ghaib ki baat jaanta hota , toh main bahut se munaafa haasil kar leta"

(surah araaf 188)


phir bhala ye dusre awliya jin ka martaba sayyidul bashar nabi e akram sallalaho alaihi wasallam se bahut kamtar hai, kaise ye dawa kar sakte hain ke falan Mard ya Aurat ne unki Qabr ke paas khade hokar unhe pukaara ???


Dar'haqeeqat wah Shyaateen hain jo unki Qabron mese kabhi kabhi un logon se baat kar lete hain,

ya khwaab me us wali ki soorat me aate hain aur khwaab dekhne waale ko wah apni Qabr ki ziyaarat ke liye bulata hai,

ya use uski dua ki qabooliyat ki ummeed dilaata hai.

Phir kabhi aisa bhi hota hai ke us shakhs ki taqleef ko Allah taala door farma deta hai Kyonke uski taqleef ke azaale ka waqt Allah ke nazdeek wahi hota hai,

Chunanche agar wah shakhs us wali ki Qabr par na jaata tab bhi uski taqleef door ho jaati,

Magar wah miskeen yahi samjhta hai ke Qabr me maujood wali ne uski haajat ko allah tak pahuncha diya, tab allah ne uski dua qubool kar liya...

Ye ek bahut bada fitna hai jisme hamare zamaane ke bahut se log mubtela hain jo qabron par jaakar duaayen karte hain...


Mere bhai ! Tum us shakhs ki tarah na ho jaana jo apni namaz me padhta hai

"iyya ka na'budu wa iyya kanas ta'een"

aiy allah ham teri hi ibaadat karte hain aur tujh hi se madad chaahte hain....


Magar jab shakt museebat aa padhti hai toh wah allah ko bhool kar Qabron aur mushrikaana mazaaron ki taraf daudhta hai...

Haqeeqat me wah kalma la ilaaha illallah  ke mafhoom se usse ziyaada na'waaqif hai jitna ke mushrikeen jaante they...

Jinke baare me allah taala ne farmaya

" ye log Jab kashtiyon me sawaar hote hain toh allah taala hi ko pukaarte hain uske liye ibaadat ko khaalis karte hain, phir jab wah unhe Saahil ki taraf bacha laata hai toh usi waqt Shirk karne lagte hain "

(surah ankaboot 60)


Mushrikeen ka haal ye tha ke jab un par darya (river) ki mauj (waves) chhaa jaati thi toh wah khaalis allah ki ibaadat karte they aur sirf usi ko pukaarte they aur jab saahil par pahunch jaate they aur jab khatra khatm ho jaata tha toh us waqt allah ke saath Apne awliya aur saaliheen ko bhi pukaarne lagte they...


Lekin hamare zamane ke mushrikeen unse bhi zyada shakht Shirk me mubtela hain,

Balke ye kaha ja sakta hai ke unhone Ayat ke mafhoom ko ulat diya hai....

Chunanche wah kabhi kabhi allah se Ikhlaas ke saath dua karte hain jabke Koi khatrah dar'pesh nahin hota,

magar jab unhe khatraat  gher lete hain aur unhe kisi cheez ki shakht haajat hoti hai toh wah Allah ke saath Awliya Aur saaliheen ko bhi pukaarne lagte hain....

Pyaare bhai ! Allah aapko taufeeq de,

aapke gunaahon ko mu'aaf farmaaye aur aap jahan bhi rahen khair o bhalaai ki raah ko aapke liye Aasaan farmaaye....


Aap apne aqeedah (tawheed) ki hifaazat karen, allah ke siwa kisi ko bhi na pukaaren,

uske siwa kisi murde se  madad talab na karen..

Ye aiteqaad na rakhen ke allah ke siwa koi dusra aapko nafa ya nuksaan pahuncha sakta hai,......

Shirk tamaam amaal ko barbaad kar deta hai, jaisa ke allah taala ne farmaya


" Yaqeenan allah taala apne saath shareek kiye jaane ko nahin bakhsta aur iske siwa jise chaahe bakhs deta hai"


(surah nisa ayat 48)


As salam u alaikum warahmatullahi wabarkatahu.........

WASEELA AUR BARELWION KI DUNYAWI MASAIL

 Bismillahirrahmanirraheem



WASEELA AUR BARELWION KI DUNYAWI MASAIL


Waseele key meaning hain Allah ka takarrub Hasil karna Allah ke zati wa sifati namo ke zariye Dua karna... Allah ka takarrub hasil karne ke liye shirk se bach na aurRasool Allahsaw ke tareeke per zindagi guzar na taqwa ikhtiyar karna Allah ki raah mai Jihad Fee sabeel Allah karna ...

 inke zariye Allah ka takarrub hasil kiya jata hai jisse Allah khush hota hai aur hamari DUaye Qabool karta hai....., . 

Yeh Sharayee aur jayaz Waseela hai........

 iske siwa kisi Nabi Wali peer ya shaheed ko Allah se Dua mangte waqt Waseela banana hargiz jayaz nahi... 

Aaj Ummat ki aksariyat ka yeh haal hai ke Allah ko pukarte hain bhi to uske Un bando ka wasta aur zariya detey hue Jo Is Dunia Main Bhi nahin hain...

Unka kehna yeh hai ke kyonki hum Gunahgar log hain hamari pohch Allah ke Darbaar tak kahan ....

Woh hamari dua Directnahi sunta isliye hum buzurgo ke Waseele se Allah tak apni baat pohchate hain yeh log bht pohche hue aur ba-asar hain inki baat tali nahi jati isliye hum in Buzurg logo ka Waseela apni Dua mai lagate hain..... . 


Yeh Misal di jati hai ke jis tarha Badshah se milne ke liye darbanafsar sey milne ke liye Chaprasi aur chhat per charne ke liye seerhi ki zaroorat hoti hai usi tarhan Allah tak pohch ne ke liye bhi koee waseela zaroor hona chahiye isliye ke Allah ki taraf sey bhi hamein Deen aur Quran sab kisi ke Waseele se hi mila hai ....

 in baton ka , . ALlah ki Kitab jawab deti hai ..... . 

 " Pas Tum Allah ke liye Misalein na banao (isliye ke ) Allah janta hai aur tum nahi jantey " 

( Surah Al-Nahal-- 74 ) . 

In Duniawi Badshahon aur afsaron ke liye Waseele ki Zaroorat isliye parhti hai ke ...

 woh nahi jante ke ke jo shaks unke paas araha hai uski kya hajat hai kya zarooraat hai unhe uske haal ka kuch bhi ilm nahi hota isliye jab tak woh beech mai kisi ko Waseela na banaye unhe ane wale ka halat ka kuch malum na hoga ....

 lekin zara scohiye jo Paak zaat logo ke dilon ke haal se bhi wakif hai kya use bhi Kisi Waseele ki zaroorat hai ? . Hamara Allah to woh hai jo har baat ka ilm rakh hai hai... . 


Allah (SWt) ne farmaya

 " Tum baat posheeda kaho ya zahir Woh seeno ki har baat janne wala hai " 

( Surah al-Mulk---- 13) . 

ek jagah aur Allah ne farmaya 

" Hum hi ne Insan ko piada kiya hai aur jo khyal bhi uske dil mai paida hota hai hum use jante hain ... aur hum to rag-e-gardan se bhi zyada uske kareeb hain " 

(Surah Saq--- 16 ) . 

Yeh hai Allah ka mamla aur rahe doosre to unhe pukarne wale ki pukar ki khabar hi nahi hoti hai pohchana aur siwarish karna to baad ki baat hai.... , . 

Allah (SWT) ka irshad hai ..

 " aur usse barh kar kaun Gumrah ho sakta hai jo aiseko pukare jo kayamat tak use jawab na de sake aur jo inki pukaron se hi ghafil ho . " 

( Surahal-ahkaf -- 5 ) . 

mushrekeen e makkah ka sabse barha Aqeeda yahi tha ke woh kehte they ke hum inhe Allah ke paas apna sifarshi banatey hain... 

Woh Allah ko mantey they perAllah ke sath doosron ko bhi mantey they unka yahi Aqeeda tha ke ye buzurg auliya Allah ke paas hamari sifarish karenge... .

 Quran mai Allah ne is baat ko youn bayan kiya..... . .

 " Hum (Allahke Siwa) inki bandgi isliye karte hain ke woh Allah tak hamari rasayee kara dien "

 ( Surah Zamar -- 3 ) . . 

woh yeh bhi kehte they ke 

" yeh Allah ke paas hamare Sifarshi hain "

 ( Surah Younus --18 . . 

Allah ne in Mushre keen ko apni kitab mai youn jawab diya....


 " Keh do kya tum Allah ko woh baat batate ho jiska wajood na use aasmano mai malum hota hai aur na zameen mai Woh paak aur A'ala hai us shirk se jo woh karte hain" . 

( Surah Younus -- 18) . 

Yahi Allah ke darbar tak apni baat pohchane ka Masla Rasool Allah saw ke paas bhi laya gaya poocha gaya ke kya hamari duaye bina waseele ke Allah tak pohchti hain........... . . 

Allah ne apne Quran mai iska jawab diya. farmaya ....

 " ( Aiy Nabi ) jab mere bandey tumse mere Mutallik pooche to unhe batlao ke mai unse kareeb hi hoon pukar ne wala jab mujhe pukarta hai mai jawab deta hoon lihaza unhe chahiye ke woh mera hi hukum mane aur mujh per hi Iman layein take rah rasit palein ' 

( Surah Al-Baqra -- 186 ) . 

maqsad yeh hai ke bataya gaya ke tum mujhe nahi dekh sakte lekin yeh khyal na karo ke mai tumse doorhoon mere bande apni arz mujh se kar sakte hain mai unki sunnewala hoon hatta ke dil hi dil mai dil hi dil mai woh Mujh se guzarish karta hai mai use bhi sun leta hoon aur sirf sunta hi nahi faisla bhi sadir kar deta hoon .... 

aur jin be-ikhteyar hanstiyon ko tumne hajat rawan Mushkil khusha qarar de rakha hai unke paas to tumhe dorh dorh kar jana parta hai aur phir bhi na to woh tumhari sunwayeekar sakte hain aur na hi ye taqat hai ke tumhari darkhaston per koee faisla sadir karein........ . 

Allah (SWT) ka Irshad hai .. . 

" Tumhare Rub ne irshad farmaya hai ke tum Mujh se Dua karo maitumari Dua kabool karunga (aur ye ) jo log meri bandgi se takabbur kartey hain unko zaroor Jahannum mai dakhil karunga " 

( Surah al-Momin -- 60) . 

Jo Malik itna nazdeek ho itna sunne wala ho jawab dene wala ho itna mehrban ho ke apne farmabardar aur baghi sab bando ki sunta ho aur apne se mangne ka hukum bhi deta ho tu phir Intehayee zulm ki baat hai ke phir bhi us tak pohch ne ke liye apne banaye hue zariyon ka sahara liya jaye .... . . 

Allah ne apne se mangne ka hukum diya hai kahin bhi yeh nahi farmaya ke kisi bandey ke waseele se mujh se mango to mai Dua kabool karunga kahi bhi nahi hai aisa...... 

aksar log qabro per jane ki taweel yeh bayan karte hain ke.. hum wahan mang ne ke liye nahijate balki un buzurgo se apne liye Dua karwane jate hain... 

jabke Allah ne to farmaya hai ke aiy Nabi tum Murdon ko nahi suna saktey phir kyon hum bhatak rahe hain ... agar buzurgose dua hi karani hai to unki zindagi mai unse dua karayee jaye aur dua har momin musalamn se karayee ja sakti hai agar woh zinda hai to per marne ke baad apni dua mai buzurgo ya nabiyon ya kisi ka bhi waseela lagana khula shirk hai.... Allah sab ki hifazat karey Aameen . 


aaj jhooti riwayat ke zariye Rasool Saw ka waseela lagana jayaz hi nahi acha samjha jane laga ..


 riwayat bayan ki jati hai ke . . 


Adam A.s. ne jab Allah se apni ghalti ki maufi mangi to Rasool Allah saw ke waseele se dua mangi aur phir Allah ne poocha ke Mohammed naam ka ilm tumhe kaise hua Adam A.s. ne kaha ke mene arsh per likha dekha La ilaha Illlalah Muhammed ur Rasool Allah saw...

yeh Riwayat bayan karke Waseele ko jayaz thehraya jata hai.... 

hum yeh bhool jatey hain ke Allah ne Adam A.s ka sara qissa apne Quran mai bayan farma diya hai.... Adam A.s ne kya Dua ki thi ye bhi Quran mai hai ... woh Dua yeh hai.... . 


" Adam aur Hawwa ne kaha Aiy hamare Rub hamne apni jano per zulm kiya aur agar Tune hamein na baksaha hum per reham na kiya to hum khasara pane walon mai se ho jaynge.." 

( Surah al-Ahraf==23 ) . 

yeh hai Adam A.s ki dua aur yeh Kalmat Allah ne unhe sikh laye they kahan hai isme kisi ka waseela??? . 

aur mohaddeseen ne is Riwayat ko jhooti qarar diya hai .. RasoolAllah saw ki koee bhi Hadees Quran ki kisi bhi ayat ke kabhi bhi mukhtalif nahi ho sakti....

 aaj afsos ke hum sahee baat ko chor kar jhooti aur logo ki banayee huee baton ke peechechal diye.... 

khulasa yeh hai ke Allah ( SWT ) apni zaat aur sifat ke sadke aur waseele ke alawa har doosri zaataur sifat ke sadke aur waseele ko najayaz aur shirk qarar deta hai..Uska farman hai ke mere bandon mujh se mango pukar na hai to mujhe pukaro sirf mere paas hi woh khazane hain jo tumhari har hajat poori kar sakte hain .. " aur Allah Ta'ala ke ache naam hain usko usi ke namo se pukaro " 

( Surah al-Ahraf-- 180 ) .

 for Example...

 Maghfirat ki talab ho to Ya Rehman Ya Raheem , Rizk ki talab ho To Ya Razzak kehkar Allah se dua karo ...

 ab agar koee Allah ke namo ki jagah Uske Nabi wali Ya peer ka naam lekar kehta hai ke Allah inke sadke meri dua Qabool farma to iska matlab hua ke woh Allah ke zaat aur sifat ke behtreen naam se zyda Nabi ya wali ke naam ko asar dar mantahai .

.aur ye sirf Allah ke sath uske bande ko shareek therana hi nahi balki Allah ki shadeed Toheen bhi hai.... Allah-O-Akbar . Hum Un Logon Ka Amal dekhlein Jo deen ko hamse bht zyada samajhte the ... 

sahaba kiram sezyada deen to hum nahin samajh sakte na to ayein dekhein kya Sahab Kiram ne kabhi Rasool Allah SAW ka waseela apni dua main lagaya...... . 

" Anas bin malik Radhi. riwayat karte hain ke Hazarat Umar Radhi. jab barish nahi hoti thi to Hazrat Abbas bin Abdul Muttalib se barish ki dua karwate they aur kehte they ke Ya Allah hum apne Nabi saw ko teri taraf (Dua ke Liye ) waseela banate they aurtu barish barsata tha (ab jabke woh hamme nahi hain ) hum apne Nabi saw ke chacha ko (Duamai) waseela banate hain Malik barish bhej aur barish ho jati thi" 

( . Saheeh Bukhari page 137 jild1 ) . 

ab hum khud sochein Rasool Allah saw se zyda fazilat wali zaat konsi hai jiska waseela duamai ikhteyar kiya jaye Hazrat Umar Radhi. se zyda deen ko samajh ne wala kon ho sakta hai aaj magar Rasool saw ke is duniase jane ke baad Woh na to Rasool saw ki qabr per jakar dua karte hain aur na apni dua mai Rasool saw ko waseela banate hain balki Rasool saw kechacha Hazrat Abbas Radhi. se dua karwate hain jo us time Zinda they ..